ഒട്ടാവ: ഇന്ത്യയും പാകിസ്ഥാനും തമ്മിൽ സംഘർഷം പൊട്ടിപ്പുറപ്പെട്ടതിനെത്തുടർന്ന് കാനഡയിലെ ദക്ഷിണേഷ്യൻ സമൂഹം ആശങ്കയിലാണ്. 

ഇന്ത്യൻ ഉപഭൂഖണ്ഡത്തിലെ സംഘർഷങ്ങളുടെ വെളിച്ചത്തിൽ തങ്ങൾക്കും  അപകടസാധ്യതകൾ നേരിടേണ്ടി വന്നേക്കാം എന്ന് ഹിന്ദു കനേഡിയൻ ഫൗണ്ടേഷൻ അതിന്റെ വെബ്‌സൈറ്റിലെ ഒരു പ്രസ്താവനയിൽ പറയുന്നു.

തീവ്രവാദ ഗ്രൂപ്പുകളിൽ നിന്നുള്ള പ്രകോപനപരമായ വാചാടോപങ്ങളിൽ ഏർപ്പെടുന്നത് ഒഴിവാക്കണമെന്ന്  ഫൗണ്ടേഷൻ മുന്നറിയിപ്പ് നൽകി. പ്രശ്ന ബാധിത പ്രദേശത്തെ കനേഡിയൻമാർക്ക് ജാഗ്രത പാലിക്കാനും സുരക്ഷിത സ്ഥാനത്ത്  അഭയം തേടാനും മുന്നറിയിപ്പ് നൽകിയിട്ടുണ്ട്.

ഏപ്രിൽ 22 ന് കശ്മീരിൽ നടന്ന ആക്രമണത്തിൽ പാക് തീവ്രവാദികൾ  26 പേരെ കൊലപ്പെടുത്തിയതിനുശേഷം ഇന്ത്യ-പാകിസ്ഥാൻ സംഘർഷം വർദ്ധിച്ചു. അവരിൽ ഭൂരിഭാഗവും ഇന്ത്യൻ ഹിന്ദു വിനോദസഞ്ചാരികളായിരുന്നു.

ആക്രമണത്തിന്റെ പിറ്റേന്ന് ഇന്ത്യയ്ക്ക് ഐക്യദാർഢ്യവുമായി കാനഡ എത്തിയിരുന്നു.  ആക്രമണം മനുഷ്യരാശിക്കും വിശ്വാസത്തിനുമെതിരായ കിരാതമായ ആക്രമണമെന്ന് കാനഡ പ്രതികരിച്ചു.

ബുദ്ധിശൂന്യവും ക്രൂരവുമായ ഈ ആക്രമണത്തില്‍ നടുങ്ങിയെന്ന് കനേഡിയന്‍ പ്രധാനമന്ത്രി മാര്‍ക് കാര്‍നി എക്‌സില്‍ കുറിച്ചു. ആക്രമണത്തില്‍ കൊല്ലപ്പെട്ടവരും പരുക്കേറ്റവും സാധാരണക്കാരും വിനോദസഞ്ചാരികളുമാണെന്നും ഇരകളുടെ കുടുംബങ്ങളുടെ ദുഃഖത്തില്‍ പങ്കുചേരുന്നുവെന്നും അദ്ദേഹം കൂട്ടിച്ചേര്‍ത്തിരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്