'കൈവശമുള്ളതെല്ലാം ഉപയോഗിച്ച് തിരിച്ചടിക്കും'; സൈനിക നീക്കം പ്രഖ്യാപിച്ചതിന് പിന്നാലെ യുഎസിന് മുന്നറിയിപ്പുമായി ഇറാന്‍

JANUARY 24, 2026, 9:59 AM

ടെഹ്‌റാന്‍: മിഡില്‍ ഈസ്റ്റിലേക്ക് സൈനിക നീക്കം നടത്തുന്നതായി ഡൊണാള്‍ഡ് ട്രംപ് പ്രഖ്യാപിച്ചതിന് പിന്നാലെ യുഎസിന് കടുത്ത മുന്നറിയിപ്പുമായി ഇറാന്‍. തങ്ങള്‍ക്കെതിരായ ഏത് ആക്രമണത്തേയും സമ്പൂര്‍ണ യുദ്ധമായി കണക്കാക്കുമെന്നും ഇറാന്‍ പ്രഖ്യാപിച്ചു.

യുഎസ് സൈനിക സന്നാഹങ്ങളെ നേരിട്ടുള്ള ഭീഷണിയായി കണ്ട് ആക്രമിക്കപ്പെട്ടാല്‍ തിരിച്ചടിക്കും. തങ്ങളുടെ കൈവശമുള്ളതെല്ലാം ഉപയോഗിക്കുമെന്നും ഇറാന്‍ മുതിര്‍ന്ന ഉദ്യോഗസ്ഥന്‍ പറഞ്ഞതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.

ഇറാനെ സമ്മര്‍ദ്ദത്തിലാക്കാന്‍ യുഎസ് നാവിക സന്നാഹം ഗള്‍ഫ് മേഖലയിലേക്ക് നീങ്ങുന്നതായി യുഎസ് പ്രസിഡന്റ് ഡൊണാള്‍ഡ് ട്രംപ് നേരത്തെ അറിയിച്ചിരുന്നു.