ഉത്തരവാദിത്തങ്ങളുടെ ഭാരം വർദ്ധിച്ചുവരുന്നതിനാൽ സമ്മർദ്ദം ഇന്ന് പലരുടെയും ജീവിതത്തിന്റെ ഭാഗമായി മാറിയിരിക്കുന്നു. എന്നിരുന്നാലും, അത് ശരിയായി കൈകാര്യം ചെയ്തില്ലെങ്കിൽ, സമ്മർദ്ദം മാനസികാവസ്ഥയെയും ഊർജ്ജത്തെയും മാത്രമല്ല ബാധിക്കുന്നത്.

ഇത് വൃക്ക കാൻസർ പോലുള്ള ഗുരുതരമായ രോഗങ്ങളിലേക്കും നയിച്ചേക്കാമെന്ന്  ഗുരുഗ്രാമിലെ സി.കെ. ബിർള ആശുപത്രിയിലെ സർജിക്കൽ ഓങ്കോളജി ആൻഡ് റോബോട്ടിക് ഓങ്കോസർജറി ഡയറക്ടർ ഡോ. പുഷ്പീന്ദർ ഗുലിയ പറയുന്നു.

 ഉയർന്ന രക്തസമ്മർദ്ദം നിയന്ത്രിക്കുന്നത് ഹൃദ്രോഗം തടയുന്നതിന് മാത്രമല്ല പ്രധാനമെന്ന് ഡോ. പുഷ്പീന്ദർ ഗുലിയ ഹിന്ദുസ്ഥാൻ ടൈംസിനോട് പറഞ്ഞു. വൃക്ക കാൻസറിനുള്ള സാധ്യത കുറയ്ക്കുന്നതിനുള്ള ഒരു പ്രധാന നടപടി കൂടിയാണിത്. നേരത്തെയുള്ള കണ്ടെത്തലും ജീവിതശൈലി മാറ്റങ്ങളും ജീവൻ രക്ഷിക്കാൻ സഹായിക്കുമെന്ന് അദ്ദേഹം കൂട്ടിച്ചേർത്തു.

ദീർഘകാലാടിസ്ഥാനത്തിലുള്ള ഉയർന്ന രക്തസമ്മർദ്ദമുള്ള ആളുകൾക്ക് ഏറ്റവും സാധാരണമായ വൃക്ക കാൻസറായ റീനൽ സെൽ കാർസിനോമ ഉണ്ടാകാനുള്ള സാധ്യത കൂടുതലാണെന്ന് മുൻകാല പഠനങ്ങൾ തെളിയിച്ചിട്ടുണ്ട്. ഉയർന്ന രക്തസമ്മർദ്ദം വൃക്കകളിലെ രക്തക്കുഴലുകളുടെ ആരോഗ്യത്തെ ബാധിക്കുന്നു. കാലക്രമേണ, ഇത് വൃക്കകളുടെ പ്രവർത്തനത്തെ ബാധിക്കുകയും കാൻസർ വളർച്ചയ്ക്ക് വഴിയൊരുക്കുകയും ചെയ്യുന്നു.

ഉയർന്ന സമ്മർദവും ആദ്യഘട്ട കിഡ്‌നി കാൻസറും പലപ്പോഴും ലക്ഷണങ്ങളൊന്നും കാണിക്കില്ല. അതിനാൽ ദീർഘകാലമായി ഉയർന്ന രക്തസമ്മർദ്ദമുള്ളവർ കൃത്യമായ ഇടവേളകളിൽ ആരോ​ഗ്യ ചെക്കപ്പുകൾ നടത്തണം.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്