ജാനകിമന്ദിർ വികസന പദ്ധതി, അമിത് ഷാ തറക്കല്ലിട്ടു

AUGUST 8, 2025, 6:15 AM

സീതാദേവിയുടെ ജന്മസ്ഥലമെന്ന് വിശ്വസിക്കപ്പെടുന്ന ബീഹാറിലെ സീതാമർഹി അനേകം തീർത്ഥാടകരെ ആകർഷിക്കുന്ന പുണ്യസങ്കേതമാണ്. സീതാമർഹിയിലെ പുനൗര ധാമിലുള്ള മാ ജാനകി മന്ദിറിന്റെ പുനർവികസനത്തിന് കേന്ദ്ര ആഭ്യന്തര മന്ത്രി അമിത് ഷാ വെള്ളിയാഴ്ച (ഓഗസ്റ്റ് 8, 2025) തറക്കല്ലിട്ടു. 2025 ജൂലൈ 1 ന് ക്ഷേത്ര സമുച്ചയത്തിന്റെ സമഗ്ര വികസനത്തിനായി ബീഹാർ മന്ത്രിസഭ 882.87 കോടി രൂപ അനുവദിച്ചിരുന്നു. ഹിന്ദു വിശ്വാസങ്ങളെയും പാരമ്പര്യങ്ങളേയും സംരക്ഷിക്കും വിധം എപ്രകാരമാണോ അയോധ്യാ രാമ മന്ദിറിൻ്റെ നിർമ്മാണം യാഥാർത്ഥ്യമാക്കിയത് അതിനെക്കാളും മികച്ച രീതിയിലായിരിക്കും സീതാമർഹിയിലെ ജാനകി മന്ദിർ പുന: വികസനമെന്നും കേന്ദ്ര ആഭ്യന്തര മന്ത്രി ചടങ്ങിൽ സൂചിപ്പിച്ചു. അയോധ്യയിലെ മഹത്തായ രാമക്ഷേത്രത്തിന്റെ മാതൃകയിൽ ക്ഷേത്രം വികസിപ്പിക്കുമെന്ന് ശ്രീ ഷാ പറഞ്ഞു. മുഖ്യമന്ത്രി നിതീഷ് കുമാറും മറ്റ് നിരവധി കേന്ദ്രമന്ത്രിമാരും ചടങ്ങിൽ സന്നിഹിതരായിരുന്നു