ന്യൂഡെല്‍ഹി: കഴിഞ്ഞ വര്‍ഷം മുതല്‍ ഇന്ത്യ-ചൈന ബന്ധത്തില്‍ സ്ഥിരമായ പുരോഗതി ഉണ്ടായിട്ടുണ്ടെന്ന് പ്രധാനമന്ത്രി നരേന്ദ്ര മോദി. ചൈനീസ് വിദേശകാര്യ മന്ത്രി വാങ് യിയുമായി നടന്ന കൂടിക്കാഴ്ചക്ക് ശേഷം സംസാരിക്കുകയായിരുന്നു പ്രധാനമന്ത്രി. അതിര്‍ത്തിയില്‍ സമാധാനവും ശാന്തിയും നിലനിര്‍ത്തേണ്ടതിന്റെ പ്രാധാന്യം പ്രധാനമന്ത്രി ചര്‍ച്ചയില്‍ ഊന്നിപ്പറഞ്ഞു. അതിര്‍ത്തി പ്രശ്‌നത്തിന് ന്യായവും തീതിയുക്തവും പരസ്പര സ്വീകാര്യവുമായ ഒരു പരിഹാരത്തിനായുള്ള ഇന്ത്യയുടെ പ്രതിബദ്ധത അദ്ദേഹം ആവര്‍ത്തിച്ചെന്നും പ്രധാനമന്ത്രിയുടെ ഓഫീസ് പത്രക്കുറിപ്പില്‍ പറഞ്ഞു.  

'വിദേശകാര്യ മന്ത്രി വാങ് യിയെ കണ്ടതില്‍ സന്തോഷം. കഴിഞ്ഞ വര്‍ഷം കസാനില്‍ പ്രസിഡന്റ് ഷിയുമായി നടത്തിയ കൂടിക്കാഴ്ചയ്ക്ക് ശേഷം, പരസ്പരം താല്‍പ്പര്യങ്ങളെയും സംവേദനക്ഷമതയെയും ബഹുമാനിച്ചുകൊണ്ട് ഇന്ത്യ-ചൈന ബന്ധം സ്ഥിരമായ പുരോഗതി കൈവരിച്ചു,' അദ്ദേഹം എക്‌സിലെ ഒരു പോസ്റ്റില്‍ എഴുതി. 

കൂടിക്കാഴ്ചയ്ക്കിടെ ചൈനീസ് വിദേശകാര്യ മന്ത്രി ഷാംഗ്ഹായ് സഹകരണ സംഘടന (എസ്‌സിഒ) ഉച്ചകോടിയിലേക്കുള്ള ക്ഷണം പ്രധാനമന്ത്രി മോദിക്ക് കൈമാറി.  ഉച്ചകോടിയിലേക്കുള്ള ക്ഷണത്തിന് ചൈനീസ് പ്രസിഡന്റ് ഷി ജിന്‍പിങ്ങിന് നന്ദി പറഞ്ഞ പ്രധാനമന്ത്രി മോദി, ക്ഷണം സ്വീകരിച്ചതായി അറിയിച്ചു. എസ്‌സിഒ ഉച്ചകോടിക്കിടെ അദ്ദേഹം ചൈനീസ് പ്രസിഡന്റുമായി കൂടിക്കാഴ്ച നടത്തും. ഓഗസ്റ്റ് 31 മുതല്‍ സെപ്റ്റംബര്‍ 1 വരെ ചൈനയിലെ ടിയാന്‍ജിനിലാണ് എസ്‌സിഒ ഉച്ചകോടി നടക്കുക. 

'എസ്‌സിഒ ഉച്ചകോടിയുടെ ഭാഗമായി ടിയാന്‍ജിനില്‍ നടക്കുന്ന ഞങ്ങളുടെ അടുത്ത കൂടിക്കാഴ്ചയ്ക്കായി ഞാന്‍ കാത്തിരിക്കുന്നു. ഇന്ത്യയും ചൈനയും തമ്മിലുള്ള സ്ഥിരതയുള്ളതും പ്രവചനാതീതവും ക്രിയാത്മകവുമായ ബന്ധം പ്രാദേശികവും ആഗോളവുമായ സമാധാനത്തിനും സമൃദ്ധിക്കും ഗണ്യമായ സംഭാവന നല്‍കും.' മോദി പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്