ആരും തൃപ്‌തരല്ല; സീറ്റ് വിഭജനവുമായി ബന്ധപ്പെട്ട് എൽഡിഎഫ് മുന്നണിക്കുള്ളിൽ അതൃപ്തി ?

FEBRUARY 26, 2026, 11:15 PM

കണ്ണൂർ: സീറ്റ് വിഭജനവുമായി ബന്ധപ്പെട്ട് എൽഡിഎഫ് മുന്നണിക്കുള്ളിൽ അസന്തോഷം ഉയരുന്നതായി റിപ്പോർട്ട്. ചെറുകക്ഷികളുമായി പ്രാഥമിക തലത്തിൽ പോലും ആലോചന നടത്തിയിട്ടില്ലെന്ന വിമർശനമാണ് ഉയരുന്നത്. ഐഎസ്ജെഡി, ആർജെഡി, ഐഎൻഎൽ എന്നീ പാർട്ടികൾ അതൃപ്തി പ്രകടിപ്പിച്ചിരിക്കുകയാണ്.

സിപിഐയും കേരള കോൺഗ്രസ് (എം) യുമായി മാത്രമാണ് കാര്യമായ ചര്‍ച്ച നടന്നതെന്ന ആക്ഷേപവും ഉന്നയിക്കപ്പെടുന്നുണ്ട്. മറ്റ് ഘടകകക്ഷികൾ അധിക സീറ്റുകൾ ആവശ്യപ്പെടരുതെന്ന നിർദേശം സിപിഐഎം നൽകിയതായും സൂചന ഉണ്ട്.

അതേസമയം കഴിഞ്ഞ ദിവസം ചേർന്ന എൽഡിഎഫ് യോഗത്തിലാണ് ഈ നിലപാട് വ്യക്തമാക്കിയതെന്നാണ് വിവരം. സീറ്റ് സംബന്ധിച്ച വ്യക്തത വൈകുന്നത് മുന്നണിക്ക് തിരിച്ചടിയാകാമെന്ന് ചെറുകക്ഷികൾ മുന്നറിയിപ്പ് നൽകുന്നു എന്നും റിപ്പോർട്ടുകൾ ഉണ്ട്.