ദേശീയപാത 66 തകര്‍ന്ന സംഭവം; കരാര്‍ കമ്പനിക്കെതിരെ കടുത്ത നടപടി, മേഘ എ‍ഞ്ചിനീയറിങ് കമ്പനിയെ ടെണ്ടറുകളിൽ നിന്ന് വിലക്കി

JUNE 17, 2025, 7:38 AM

ഡൽഹി: കാസര്‍കോട് ചെര്‍ക്കളയിൽ ദേശീയപാത 66 തകര്‍ന്ന സംഭവത്തിൽ നിര്‍മാണം ഏറ്റെടുത്ത കരാര്‍ കമ്പനിക്കെതിരെ കടുത്ത നടപടിയുമായി ദേശീയ പാത അതോറിറ്റി രംഗത്ത്. നിര്‍മാണ കമ്പനിയായ മേഘ എഞ്ചിനീയറിങ് ആന്‍ഡ് ഇന്‍ഫ്രാസ്ട്രക്ചറിനെ ടെണ്ടറുകളിൽ പങ്കെടുക്കുന്നതിൽ നിന്ന് വിലക്കി എന്നാണ് ലഭിക്കുന്ന റിപ്പോർട്ട്.

അതേസമയം വിലക്കിന് പുറമെ ഒമ്പതു കോടി പിഴയും അടക്കണം എന്നും റിപ്പോർട്ടിൽ നിന്നും വ്യക്തമാകുന്നു. ഭാവിയിലുള്ള നിര്‍മാണ ടെണ്ടറുകളിൽ പങ്കെടുക്കുന്നതിൽ നിന്നാണ് കമ്പനിയെ വിലക്കിയത്. ദേശീയപാത 66ൽ ചെങ്കള മുതൽ നീലേശ്വരം വരെയുള്ള സെക്ഷനിൽ ഉള്‍പ്പെടുന്ന ചെര്‍ക്കളയിൽ റോഡിന്‍റെ സുരക്ഷാ ഭിത്തി തകര്‍ന്നതടക്കമുള്ള സംഭവത്തിലാണ് നടപടി.