-20201019111450.jpg)
കല്പ്പറ്റ: വയനാട്ടുകാരുടെ ഏക ആശ്രയമായ താമരശ്ശേരി ചുരം ഉടന് ഗതാഗത യോഗ്യമാക്കണമെന്നും, തുടര്ച്ചയായി താമരശ്ശേരി ചുരം പാതയില് ഉണ്ടാകുന്ന മണ്ണിടിച്ചിലുകള് തടയുന്നതിന് വേണ്ട നടപടികള് പഠിക്കുന്നതിന് വിദഗ്ധസമിതിയെ അടിയന്തരമായി അയയ്ക്കണമെന്നും കേന്ദ്ര ഉപരിതല ഗതാഗത മന്ത്രി നിതിന് ഗഡ്കരിയോട് ആവശ്യപ്പെട്ട് പ്രിയങ്ക ഗാന്ധി എംപി.
ചുരം പാതയില് ഗതാഗതം തടസ്സപ്പെടുന്നത് വയനാട് ജില്ലയിലെ ജനങ്ങള്ക്ക് വലിയ ബുദ്ധിമുട്ട് ഉണ്ടാക്കുന്നുണ്ട്. ആരോഗ്യ ആവശ്യങ്ങള്ക്ക് ഉള്പ്പെടെ ജനങ്ങള് ആശ്രയിക്കുന്നത് പ്രധാനമായും കോഴിക്കോട് ജില്ലയെയാണ്. കോഴിക്കോട് ജില്ലയെ ബന്ധിപ്പിക്കുന്ന ഏക റോഡെന്ന നിലയില് വയനാട് ജില്ല ഒറ്റപ്പെട്ടുപോകുന്ന സാഹചര്യം ചുരത്തില് ഗതാഗതം തടസപ്പെടുന്നതിലൂടെ ഉണ്ടാകുന്നുവെന്ന് പ്രിയങ്ക ഗാന്ധി എംപി ഗഡ്കരിക്ക് അയച്ച കത്തില് പറയുന്നു.
കഴിഞ്ഞ ഓഗസ്റ്റ് 26-ന് ഹൈവേയില് ഉണ്ടായ മണ്ണിടിച്ചിലിനെ തുടര്ന്ന് റോഡിലെ അവശിഷ്ടങ്ങള് നീക്കം ചെയ്യേണ്ടതിനാല് താമരശ്ശേരി ചുരത്തിലൂടെയുള്ള ഗതാഗതം പൂര്ണമായും തടസപ്പെടുത്തേണ്ടി വന്നിരിന്നു. നിലവില് മണ്ണിടിച്ചില് ഉണ്ടായ സ്ഥലത്ത് തുടര്ന്നും മണ്ണിടിച്ചില് ഉണ്ടാകുമെന്ന ആശങ്കയുണ്ട്. നിലവില് ഗതാഗതം പൂര്ണമായും തടസപ്പെട്ടിരിക്കുകയാണ് എന്നും കത്തില് പറയുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
'രമേശ് ചെന്നിത്തല മുഖ്യമന്ത്രി ആകണം'; നൂറ് സീറ്റ് നേടാനായില്ലെങ്കിൽ വി ഡി സതീശൻ വനവാസത്തിന്
തിരുവനന്തപുരത്തെ നവജാത ശിശു മരണം: മരണ കാരണം ശ്വാസംമുട്ടൽ; നിർണായക പോസ്റ്റ്മോർട്ടം റിപ്പോർട്ട്
KPCC ലെറ്റര്ഹെഡില് വ്യാജവാര്ത്ത ; പരാതി നൽകി സണ്ണി ജോസഫ്
രമേശ് ചെന്നിത്തലയെ അധിക്ഷേപിച്ച് എ ഐ വീഡിയോ: തിരഞ്ഞെടുപ്പ് കമ്മീഷന് പരാതി നല്കി
.jpg)
1-20260411101204.jpg)
-20260322101744.jpg)
