നാണം കെട്ട് പടിയിറക്കം! രാഹുൽ മാങ്കൂട്ടത്തിൽ യൂത്ത് കോൺഗ്രസ് അധ്യക്ഷസ്ഥാനം രാജിവെച്ചു

AUGUST 21, 2025, 2:42 AM

തിരുവനന്തപുരം: യൂത്ത് കോൺഗ്രസ് സംസ്ഥാന അധ്യക്ഷ സ്ഥാനം രാഹുൽ മാങ്കൂട്ടത്തിൽ രാജിവച്ചു.

പാർട്ടിയും കൈവിട്ടതോടെ നാണം കെട്ട് പടിയിറങ്ങുകയായിരുന്നു. എംഎൽഎ സ്ഥാനവും രാജിവെയ്ക്കാമെന്ന തീരുമാനം രാഹുൽ പാർട്ടി നേതൃത്വത്തെ അറിയിച്ചതായാണ് അനൗദ്യോഗിക വിവരം.

യുവനടിയുടെ വെളിപ്പെടുത്തലിനു പിന്നാലെ ആലപ്പുഴയിൽ നിന്നുളള സംസ്ഥാന ഭാരവാഹി ആർവി സ്നേഹയാണ് യൂത്ത് കോൺഗ്രസ് വാട്സാപ്പ് ഗ്രൂപ്പിൽ രാഹുൽ സ്ഥാനത്ത് നിന്ന് മാറിനിൽക്കണമെന്ന ചർച്ചയ്ക്ക് തുടക്കമിട്ടത്.

വിവാഹ വാഗ്ദാനം നല്‍കി പിന്നീട് പിന്മാറി: രാഹുല്‍ മാങ്കൂട്ടത്തിലിനെതിരെ എ.ഐ.സി.സിക്ക് പരാതി നല്‍കിയവരിൽ മുന്‍ എം.പിയുടെ മകളും

ആദ്യം സംസ്ഥാന പ്രസിഡൻറിനെ പ്രതിരോധിക്കാൻ ചിലർ ശ്രമിച്ചെങ്കിലും ഭാരവാഹികളിൽ ഭൂരിഭാഗവും സ്നേഹയ്ക്ക് പിന്തുണയർപ്പിച്ചതോടെ പ്രതിരോധങ്ങൾ ദുർബലമായി.

തൊണ്ടയിൽ പുഴുത്തതെല്ലാം നമുക്ക് വിഴുങ്ങാനുളളതല്ല. ഏത് പ്രോമിസിങ് യുവനേതാവായാലും തൊണ്ടയിൽ പുഴുത്തത് കാർക്കിച്ചു തുപ്പിണം എന്നായിരുന്നു രാഹുലിൻറെ പേര് പറയാതെ മറ്റൊരു യുവനേതാവ് ജിൻറോ ജോണിൻറെ വിമർശനം.