ഇത് താൻടാ പോലീസ്; ഓടിക്കൊണ്ടിരുന്ന ട്രെയിനിൽ നിന്ന് വൃദ്ധയെ തള്ളിയിട്ട് മോഷണം; പ്രതിയെ മുംബൈയിൽ നിന്ന് പിടികൂടി പോലീസ്

AUGUST 10, 2025, 2:05 AM

കോഴിക്കോട്: അറുപത്തിനാലുകാരിയെ ഓടിക്കൊണ്ടിരുന്ന ട്രെയിനിൽ നിന്ന് തളളിയിട്ട് ബാഗുമായി കടന്ന മോഷ്ടാവ് പിടിയിൽ. മുംബൈയിൽ നിന്നാണ് പ്രതിയെ പോലീസ് പിടികൂടിയത് എന്നാണ് ലഭിക്കുന്ന റിപ്പോർട്ട്. സംഭവം നടന്ന് മൂന്നാം ദിവസമാണ് പ്രതിയെ പിടികൂടിയിരിക്കുന്നത്. മോഷണശേഷം മറ്റൊരു ട്രെയിനിൽ കയറി ഇയാൾ മുംബൈയിൽ എത്തുകയായിരുന്നു.

മുംബൈയിൽ സഹോദരന്റെ വീട്ടിൽ മരണാനന്തരച്ചടങ്ങിൽ പങ്കെടുത്ത് മടങ്ങുകയായിരുന്ന അമ്മിണിയുടെ ബാഗാണ് അവരെ ട്രെയിനിൽ നിന്നും തള്ളിയിട്ട് മോഷ്ടാവ് കവർന്നത്. നിലത്തുവീണതിനെത്തുടർന്ന് അമ്മിണിക്ക് തലയ്ക്ക് പരിക്കേൽക്കുകയും ചെയ്തിരുന്നു. മോഷ്ടാവ് കൊണ്ടുപോയ ബാഗിൽ 8500 രൂപ ഉണ്ടായിരുന്നു എന്നാണ് റിപ്പോർട്ട്.

അതേസമയം പ്രതിയെ വിശദമായി ചോദ്യം ചെയ്തുവരികയാണെന്ന് പൊലീസ് അറിയിച്ചു.