ആറന്മുളയിൽ വീണാ ജോർജ് വീണ്ടും; കോന്നിയിൽ കെ.യു. ജനീഷ്‌കുമാർ; സ്ഥാനാർഥി ചർച്ചകൾ വേഗത്തിലാക്കി സിപിഐഎം

FEBRUARY 25, 2026, 11:47 PM

പത്തനംതിട്ട: നിയമസഭാ തെരഞ്ഞെടുപ്പിൽ ആറന്മുള മണ്ഡലത്തിൽ നിന്ന് വീണ ജോർജ് വീണ്ടും ജനവിധി തേടും എന്ന് റിപ്പോർട്ട്. സിപിഐഎം പത്തനംതിട്ട ജില്ലാ സെക്രട്ടറിയേറ്റിലാണ് തീരുമാനം എടുത്തത്. കോന്നിയിൽ നിലവിലെ എംഎൽഎയായ കെ യു ജിനേഷ് കുമാർ വീണ്ടും മത്സരിക്കും. തോമസ് ഐസക് , സി എസ് സുജാത എന്നിവർ പങ്കെടുത്ത യോഗത്തിലാണ് സിറ്റിങ് എംഎൽഎമാരെ വീണ്ടും മത്സരിപ്പിക്കാൻ ധാരണയായത്. ജില്ലയിലെ അഞ്ച് മണ്ഡലങ്ങളിൽ രണ്ടിടങ്ങളിൽ സിപിഐഎം മത്സരിക്കും.

അതേസമയം സ്ഥാനാർഥി നിർണയ ചർച്ചകൾ സംസ്ഥാനത്ത് ശക്തമായി പുരോഗമിക്കുകയാണ്. തിരുവനന്തപുരത്ത് ചേർന്ന ജില്ലാ സെക്രട്ടറിയേറ്റിലും സിറ്റിങ് എംഎൽഎമാരെ വീണ്ടും കളത്തിലിറക്കാൻ തീരുമാനമായിരുന്നു. വിജയസാധ്യത കണക്കിലെടുത്താണ് ഈ നീക്കം.