ടൊറോന്റോയിൽ അന്തരിച്ച സി.എം. തോമസിന്റെ പൊതുദർശനം വെള്ളിയാഴ്ച, സംസ്‌കാരം ശനിയാഴ്ച

ടൊറോന്റോ, കാനഡ: ഏപ്രിൽ 25ന് ടൊറോന്റോയിൽ അന്തരിച്ച കീക്കൊഴുർ ചാലുകുന്നിൽ കൈതക്കുഴിയിൽ മണ്ണിൽ സി.എം.തോമസിന്റെ (കുഞ്ഞൂഞ്ഞു 95 വയസ്സ് ) പൊതുദർശനവും ശുശ്രൂഷകളും മെയ് 2ന് വെള്ളിയാഴ്ചയും സംസ്‌കാരം ശനിയാഴ്ചയും നടത്തപ്പെടും.

1956ൽ ഗുജറാത്തിലെ ആനന്ദിൽ നിന്നും ഫിസിയോതെറാപ്പിയിൽ ഉന്നത ബിരുദം എടുത്ത പരേതൻ മദ്രാസ് വെല്ലൂർ സിഎംസിയിൽ ഒരു വർഷം സേവനമനുഷ്ഠിച്ച ശേഷം 1957ൽ ഡൽഹിയിൽ എത്തി സഫ്ദർജങ് ഹോസ്പിറ്റലിലും പിന്നീട് ഓൾ ഇന്ത്യ ഇൻസ്ടിട്യൂട്ടിലും സേവനമനുഷ്ഠിച്ചു. ഇക്കാലയളവിൽ ഡൽഹിയിലെ അറിയപെടുന്ന ഫിസിയോതെറാപ്പിസ്റ്റായി മാറിക്കഴിഞ്ഞ തോമസ് ഇന്ത്യൻ രാഷ്ട്രപതിയായിരുന്ന ഡോ. എസ്. രാധാകൃഷ്ണന്റെയും, മുൻ പ്രധാനമന്ത്രിമാരായിരുന്ന പണ്ഡിറ്റ് ജവാഹർലാൽ നെഹ്‌റു, ഇന്ദിരാഗാന്ധി എന്നിവരുടെ പേർസണൽ ഫിസിയോതെറാപ്പിസ്റ്റുമായി പ്രവർത്തിക്കാൻ അവസരം ലഭിച്ചിട്ടുണ്ട്.

1970ൽ കാനഡയിൽ എത്തി ചേർന്ന തോമസ് പാരി സൗണ്ട് ഡിസ്ട്രിക്ട് ജനറൽ ഹോസ്പിറ്റലിലും സൗത്ത് വാട്ടർലൂ മെമ്മോറിയൽ ഹോസ്പിറ്റൽ (കേംബ്രിഡ്ജ് മെമ്മോറിയൽ ഹോസ്പിറ്റൽ) ഫിസിയോതെറാപ്പി ഡിപ്പാർട്ടമെന്റ് മേധാവിയായി പ്രവർത്തിച്ചു 1995ൽ വിരമിച്ചു. 'പിതാജി' എന്ന പേരിൽ അറിയപ്പെട്ട സി.എം. തോമസ് കനേഡിയൻ മാർത്തോമാ ഇടവകയുടെ വിവിധ ചുമതലകൾ വഹിച്ചിട്ടുള്ളതോടൊപ്പം തന്നെ ഇടവകയുടെ സ്ഥാപകനേതാക്കളിൽ ഒരാൾ കൂടിയാണ്.  

ഭാര്യ തലവടി ഒറ്റത്തെങ്ങിൽ മറിയാമ്മ തോമസ്.             

മക്കൾ: അരുൺ തോമസ്, അഞ്ജന തോമസ്

മരുമക്കൾ: ഷാഫി തോമസ്, പരേതയായ ഡോളി തോമസ്

കൊച്ചു മക്കൾ : ആൻഡ്രൂ, ഡേൻ, ഹാനാ       

സഹോദരങ്ങൾ: പരേതനായ ജോർജ് മാത്യു, അന്നമ്മ ഫിലിപ്‌സ് (ഹൂസ്റ്റൺ), പരേതയായ
മറിയാമ്മ മാത്യു, സി.എം. മാത്യു (ബേബി ഹൂസ്റ്റൺ), മാത്യു സി. ശാമുവേൽ (കുഞ്ഞുമോൻ  ടൊറോന്റോ), എബ്രഹാം മാത്യു (ജോയ് ഹൂസ്റ്റൺ).

പൊതുദർശനവും ശുശ്രൂഷയും : മെയ് 2ന് വെള്ളിയാഴ്ച വൈകുന്നേരം 5:30 മുതൽ 9 വരെ കനേഡിയൻ മാർത്തോമാ ചർച്ച് (159 Standiford Dr, Whitchurch-Stouffville, ON L4A 0Y2, Canada).

സംസ്‌കാരശുശ്രൂഷ: മെയ് 3ന് ശനിയാഴ്ച രാവിലെ 9 മണിക്ക് കനേഡിയൻ മാർത്തോമാ ചർച്ചിൽ. ശുശ്രൂഷകൾക്ക് ശേഷം Christ the King Catholic Cemetery )7770 Steeles Ave E, Markham, ON L6B 1A8, Canada)

വെള്ളി ശനി ദിവസങ്ങളിലെ ശുശ്രൂഷകളുടെ ലൈവ് സ്ട്രീം ലിങ്കുകൾ

Live tSream Visitation (Fri. May 2): https://youtube.com/live/xp29GbTjlzQ?feature=share

Live tSream Funeral (Sat. May 3): https://youtube.com/live/2pg-Y8KZKBI?feature=share

കൂടുതൽ വിവരങ്ങൾക്ക് : മാത്യു സി. ശാമുവേൽ (ടൊറോന്റോ) 416 -230 -9800, അരുൺ തോമസ് (ടൊറോന്റോ) 647 -530 -2450.

ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക. ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1