'കോൺഗ്രസ് പാകിസ്താനിൽ യൂണിറ്റ് തുടങ്ങുന്നതാണ് നല്ലത്'; വിവാദ പ്രസ്താവനയുമായി ബിജെപി സ്ഥാനാർത്ഥി അനിൽ ആന്റണി

MARCH 28, 2024, 12:06 PM

കോൺഗ്രസിനെതിരെ വിവാദ പ്രസ്താവനയുമായി ബിജെപി സ്ഥാനാർത്ഥി അനിൽ ആന്റണി രംഗത്ത്. രാജ്യംവിട്ട് പാകിസ്ഥാനില്‍ പോകുന്നതാണ് കോണ്‍ഗ്രസുകാര്‍ക്ക് നല്ലതെന്നാണ് അനില്‍ ആന്റണിയുടെ പരിഹാസം. താൻ പാർട്ടി വിട്ടത് കോൺഗ്രസിന്റെ രാജ്യവിരുദ്ധ നിലപാടുകൾ കൊണ്ടാണെന്നും കോൺഗ്രസ് പാകിസ്താനിൽ യൂണിറ്റ് തുടങ്ങുന്നതാണ് നല്ലതെന്നുമാണ് അനിൽ ആന്റണി വ്യക്തമാക്കിയത്. പത്തനംതിട്ടയിലെ എന്‍ഡിഎ സ്ഥാനാര്‍ത്ഥിയാണ് ആന്റണി.

അതേസമയം ആന്റോ ആന്റണിക്ക് വേണ്ടി പത്തനംതിട്ടയില്‍ വോട്ട് തേടാന്‍ എ കെ ആന്റണി വരില്ലെന്നാണ് കരുതുന്നത് എന്നും നരേന്ദ്ര മോദി പ്രചാരണത്തിന് വന്നിടത്ത് ഇനി ആര് വന്നിട്ടും കാര്യമില്ല എന്നും അനിൽ ആന്റണി പറഞ്ഞു.

എന്നാൽ പത്തനംതിട്ട ലോക്‌സഭാ മണ്ഡലത്തില്‍ പ്രചാരണത്തിന് എത്തുമോ എന്ന ചോദ്യത്തോട് നേരത്തെ ആരോഗ്യസ്ഥിതി അനുസരിച്ച് കോണ്‍ഗ്രസ് തീരുമാനിക്കുന്നിടത്ത് പ്രചരണത്തിനെത്തുമെന്ന് എ കെ ആന്റണി പറഞ്ഞിരുന്നു.