ചാണ്ടി ഉമ്മന്‍ എംഎല്‍എക്കും ഷമ മുഹമ്മദിനും എഐസിസിയില്‍ പുതിയ പദവി

OCTOBER 22, 2025, 8:36 PM

ദില്ലി: ചാണ്ടി ഉമ്മൻ എംഎൽഎയും ഷമ മുഹമ്മദുമാണ് കെപിസിസി പുനഃസംഘടനയിൽ ആദ്യം ഇടഞ്ഞ് രംഗത്ത് വന്നത്.

ഇപ്പോഴിതാ എഐസിസിയിൽ ഇരുവർക്കും പുതിയ പദവി ലഭിച്ചിരിക്കുകയാണ്. ടാലൻറ് ഹണ്ട് കോർഡിനേറ്റർമാരായി ഇരുവരെയും നിയമിച്ചിരിക്കുന്നത്. മേഘാലയുടെയും അരുണാചൽ പ്രദേശിൻ്റെയും ചുമതലയാണ് ചാണ്ടി ഉമ്മന് നൽകിയിരിക്കുന്നത്. ഷമ മുഹമ്മദിന് ഗോവയുടെയും ചുമതല നൽകി.

പുനഃസംഘടനയിൽ അതൃപ്തി പരസ്യമാക്കി ആദ്യം രംഗത്തെത്തിയത് വനിതാ നേതാവായ ഡോക്ടർ ഷമ മുഹമ്മദാണ്. പട്ടികയ്ക്ക് പിന്നാലെ കഴിവ് മാനദണ്ഡമോയെന്ന പരിഹാസ പോസ്റ്റുമായാണ് ഷമ മുഹമ്മദ് രംഗത്തെത്തിയത്.

പുനഃസംഘടനയിൽ പരിഗണിക്കണമെന്ന് നേതൃത്വത്തോട് ഷമ നേരത്തെ തന്നെ ആവശ്യപ്പെട്ടിരുന്നു. ഡിസിസിയുടെ പരിപാടികളിലും സമരങ്ങളിലും ഷമ അടുത്തിടെ സജീവമായിരുന്നു. എന്നിട്ടും പുനഃസംഘടനയിൽ ഇടം ലഭിക്കാത്തതാണ് ഷമയെ പ്രകോപിച്ചത്.

ഔട്ട് റീച്ച് സെൽ ചെയർമാൻറെ ചുമതലയിൽ നിന്ന് നീക്കിയതിലും അബിൻ വർക്കിക്ക് യൂത്ത് കോൺഗ്രസ് അധ്യക്ഷ സ്ഥാനം നൽകാത്തതിലും ചാണ്ടി ഉമ്മനും പ്രതിഷേധം പരസ്യമാക്കിയിരുന്നു.