വിദ്യ ബാലന്റെ പേരിൽ വ്യാജ ഇൻസ്റ്റഗ്രാം അക്കൗണ്ട്

FEBRUARY 21, 2024, 10:59 AM

ബോളിവുഡ് താരം വിദ്യ ബാലന്റെ പേരിൽ വ്യാജ ഇൻസ്റ്റഗ്രാം അക്കൗണ്ട് ഉണ്ടാക്കി പണം തട്ടാൻ ശ്രമിച്ചതായി പരാതി. നടിയുടെ പരാതിയിൽ മുംബൈ പൊലീസ് കേസെടുത്തു.

നടിയുടെ പേരിൽ ഉണ്ടാക്കിയ ഇൻസ്റ്റഗ്രാം അക്കൗണ്ട് വഴി ജോലി വാഗ്ദാനം ചെയ്ത് ആളുകളെ സമീപിച്ചെന്നാണ് പരാതി ഉയർന്നിരിക്കുന്നത്. ഫെബ്രുവരി 17, 19 തീയതികളിൽ നിരവധി പേരെ അക്കൗണ്ട് മുഖേന സമീപിച്ചതായാണ് വിവരം പുറത്തുവന്നിരിക്കുന്നത്.

വിദ്യയുടെ പേരിൽ വ്യാജ ഇൻസ്റ്റഗ്രാം അക്കൗണ്ട് ആരംഭിച്ച അജ്ഞാതൻ പിന്നീട് പുതിയ ജിമെയിൽ അക്കൗണ്ടും തുടങ്ങി. ഈ രണ്ട് അക്കൗണ്ടുകളിലൂടെയും ബോളിവുഡിലെ പലരെയും ബന്ധപ്പെട്ടു.