'ഫ്രണ്ട്സ്' താരം മാത്യു പെറിയുടെ മരണം; അഞ്ച് പേർക്കെതിരെ കേസ്

AUGUST 16, 2024, 8:41 AM

ലോസ് ഏഞ്ചൽസ്: 'ഫ്രണ്ട്സ്' സീരീസ് താരം മാത്യു പെറിയുടെ മരണവുമായി ബന്ധപ്പെട്ട് അഞ്ച് പേർക്കെതിരെ കേസെടുത്ത് അന്വേഷണ സംഘം.

മാത്യു പെറിയുടെ ഡോക്ടർമാർ, അസിസ്റ്റന്റ് എന്നിവർക്കെതിരെയാണ് കേസെടുത്തിരിക്കുന്നത്.നടന്റെ ശരീരത്തിൽ കാണപ്പെട്ട കെറ്റാമൈന്‍ രാസവസ്തു വിതരണം ചെയ്യുന്ന വലിയ ശൃംഖലയിൽ ഇവർ അംഗങ്ങളാണെന്നാണ് വിവരം.

ഇവരാകാം നടന് അമിത അളവിൽ കെറ്റാമൈന്‍ നൽകിയതെന്ന് അന്വേഷണ സംഘം സംശയിക്കുന്നു. കഴിഞ്ഞ ഒക്ടോബറിലാണ് ഏറെ പ്രശസ്തനായ മാത്യു പെറിയെ മരിച്ചനിലയിൽ കണ്ടെത്തിയത്.