റിലീസ് ചെയ്തിട്ട് ഒരു ദിവസം മാത്രം; 'ആടുജീവിത'ത്തിന്റെ വ്യാജ പതിപ്പ് ഇന്റർനെറ്റിൽ

MARCH 29, 2024, 3:40 PM

പൃഥ്വിരാജ് നായകനായി എത്തിയ പുതിയ ചിത്രം ആടുജീവിതം കഴിഞ്ഞ ദിവസമാണ് തീയേറ്ററിൽ റിലീസ് ചെയ്തത്. എന്നാണ് നിറഞ്ഞ സദസിൽ പ്രദർശനം തുടർന്ന് ചിത്രത്തിന്റെ വ്യാജ പതിപ്പ് ഇപ്പോൾ പുറത്തിറങ്ങി എന്ന വാർത്തയാണ് പുറത്തു വരുന്നത്.

കാനഡയിലാണ് വ്യാജപതിപ്പ് പുറത്തിറങ്ങിയിരിക്കുന്നത്. ഐപിടിവി എന്ന പേരിൽ ലഭിക്കുന്ന ചാനലുകളിലൂടെയാണ് പതിപ്പ് പ്രചരിക്കുന്നതെന്നാണ് പുറത്തു വരുന്ന റിപ്പോർട്ടുകൾ. കാനഡ, അമേരിക്ക തുടങ്ങിയ ഇടങ്ങളിൽ റിലീസ് ആയാൽ ഉടൻ സിനിമകളുടെ വ്യാജപതിപ്പുകൾ ഇത്തരണം ഐപിടിവികളിൽ പ്രത്യക്ഷപ്പെടാറുണ്ടെന്നാണ് പുറത്തു വരുന്ന റിപ്പോർട്ടുകളിൽ നിന്നും വ്യക്തമാക്കുന്നത്.

പാരി മാച്ച് എന്ന ലോഗോയും വ്യാജ പതിപ്പിൽ ഉണ്ട്. ഇത് സ്പോർട്സ് റിലേറ്റഡ് വാതുവയ്പ്പ് നടത്തുന്ന കമ്പനിയാണെന്നാണ് വിവരം. അതേസമയം വിഷയത്തിൽ ചിത്രത്തിന്റെ അണിയറ പ്രവർത്തകർ ഇതുവരെ പ്രതികരിച്ചിട്ടില്ല.