'ചിത്രത്തിന്റെ റിലീസ് തടയണം'; 'കാന്ത' സിനിമയ്‌ക്കെതിരെയും നിർമ്മാതാവ് ദുൽഖർ സൽമാനെതിരെയും മദ്രാസ് ഹൈക്കോടതിയിൽ ഹർജി

NOVEMBER 11, 2025, 9:14 PM

'കാന്ത' സിനിമയ്‌ക്കെതിരെയും നിർമ്മാതാവ് ദുൽഖർ സൽമാനെതിരെയും മദ്രാസ് ഹൈക്കോടതി നോട്ടീസ്. എം.കെ. ത്യാഗരാജഭാഗവതരെ അപകീര്‍ത്തികരമായി ചിത്രീകരിക്കുന്നുവെന്ന് ചൂണ്ടികാണിച്ച് ആണ് നോടീസ് നൽകിയിരിക്കുന്നത്. ത്യാഗരാജഭാഗവതരുടെ കുടുംബമാണ് ഹർജി നൽകിയിരിക്കുന്നത്.

ചിത്രത്തിന്റെ റിലീസ് തടയണമെന്നും, ചിത്രത്തിന്റെ കഥ തങ്ങളെ അറിയിക്കുകയോ അനുമതി വാങ്ങുകയോ ചെയ്തിട്ടില്ലെന്നുമാണ് ഹര്‍ജിയില്‍ ചൂണ്ടിക്കാണിക്കുന്നത്. ഈ മാസം 18-ന് കേസ് വീണ്ടും പരിഗണിക്കും എന്നാണ് ലഭിക്കുന്ന വിവരം. നവംബർ 14 നായിരുന്നു ചിത്രത്തിന്റെ റിലീസ് നിശ്ചയിച്ചിരുന്നത്.

സെൽവമണി സെൽവരാജ് രചിച്ചു സംവിധാനം ചെയ്ത ചിത്രം നിർമ്മിച്ചിരിക്കുന്നത് ദുൽഖറിന്റെ ഉടമസ്ഥതയിലുള്ള വേഫേറർ ഫിലിംസ്, റാണ ദഗ്ഗുബതിയുടെ ഉടമസ്ഥതയിലുള്ള സ്പിരിറ്റ് മീഡിയ എന്നിവർ ചേർന്നാണ്. ദുൽഖർ സൽമാൻ, ജോം വർഗീസ്, റാണ ദഗ്ഗുബതി, പ്രശാന്ത് പോട്ട്ലൂരി എന്നിവരാണ് ചിത്രത്തിന്റെ നിർമ്മാതാക്കൾ