11.96 കോടി രൂപ തട്ടി; റെമോ ഡിസൂസയ്ക്കും ഭാര്യയ്ക്കുമെതിരെ പരാതി

OCTOBER 20, 2024, 6:57 PM

ചെന്നൈ: നൃത്തസംവിധായകൻ റെമോ ഡിസൂസ, ഭാര്യ ലിസെല്ലെ ഡിസൂസ എന്നിവർക്കെതിരെ 11.96 കോടി രൂപയുടെ തട്ടിപ്പ് കേസ്. ഒരു സംഘം നൽകിയ പരാതിയിലാണ് കേസെടുത്തിരിക്കുന്നത്.

വ്യാജരേഖ ചമയ്ക്കൽ, വഞ്ചന എന്നീ വകുപ്പുകൾ പ്രകാരമാണ് ഇവർക്കെതിരെ താനെ പൊലീസ് കേസെടുത്തിരിക്കുന്നത്.

26 കാരിയായ നർത്തകിയുടെ നേതൃത്വത്തിലാണ് പരാതി നൽകിയത്. പരാതിക്കാരനും സംഘവും 2018 മുതൽ 2024 ജൂലൈ വരെ വഞ്ചിക്കപ്പെട്ടതായി എഫ്ഐആറിൽ പറയുന്നു.

പരാതിക്കാരനും സംഘവും 2018 മുതല്‍ 2024 ജൂലൈ വരെ വഞ്ചിക്കപ്പെട്ടുവെന്നാണ് എഫ്‌ഐആറിലുള്ളത്. പരാതിക്കാരായ സംഘം ഒരു ടെലിവിഷന്‍ ഷോയില്‍ പരിപാടി അവതരിപ്പിക്കുകയും അതില്‍ വിജയികളാകുകയും ചെയ്തിരുന്നു.

എന്നാല്‍ റെമോ ഡിസൂസയും ഭാര്യ ലിസല്ലെയുമടങ്ങുന്ന സംഘം പരിപാടി അവതരിപ്പിച്ച സംഘം തങ്ങളുടേതെന്ന് കാണിച്ച് 11.96 കോടി രൂപ സമ്മാനത്തുക തട്ടിയെടുത്തുവെന്നാണ് പരാതിയില്‍ പറയുന്നത്.