‘ഹണി റോസിനെ കാണുമ്പോൾ കുന്തി ദേവിയെ ഓർമ വരുന്നു’: ബോബി ചെമ്മണ്ണൂരിനെതിരെ സോഷ്യൽ മീഡിയ

AUGUST 8, 2024, 1:36 PM

പൊതുവേദിയിൽ വച്ച് ബോബി ചെമ്മണ്ണൂർ നടി ഹണി റോസിനെക്കുറിച്ച് നടത്തിയ പരാമർശങ്ങൾ വിവാദമാകുന്നു. ബോബി ചെമ്മണ്ണൂരിനെതിരെ സമൂഹമാധ്യമങ്ങളിൽ നിരവധി കമന്റുകളാണ് വരുന്നത്.

ഒരു പരിപാടിയിൽ പങ്കെടുക്കാൻ എത്തിയ ഹണി റോസ് ബോബി ചെമ്മണ്ണൂരിന്റെ ജ്വലറിയും സന്ദർശിച്ചിരുന്നു. ഒരു നെക്‌ലസ് കഴുത്തിൽ അണിയച്ചതിനു ശേഷം ബോബി ചെമ്മണ്ണൂർ ഹണി റോസിനെ ഒന്നു കറക്കി. ‘നേര നിന്നാൽ മാലയുടെ മുൻഭാഗമെ കാണൂ. മാലയുടെ പിൻഭാഗം കാണാൻ വേണ്ടിയാണ് കറക്കിയത്,' എന്നായിരുന്നു ബോബി ചെമ്മണ്ണൂർ അതെക്കുറിച്ച് പറഞ്ഞത്.

ഹണി റോസിനെ കാണുമ്പോൾ പുരാണത്തിലെ കുന്തി ദേവിയെ ഓർമ്മ വരുമെന്നും ബോബി ചെമ്മണ്ണൂർ പറഞ്ഞു. ഈ രണ്ടു പരാമർശങ്ങളും വലിയ വിവാദത്തിനും പ്രതിഷേധത്തിനുമാണ് വഴി വച്ചിരിക്കുന്നത്.

ബോബി ചെമ്മണ്ണൂരിന്റെ വാക്കുകൾ അതിരു കടന്നെന്നും സ്ത്രീത്വത്തെ അപമാനിക്കുന്നതുമാണെന്നാണ് വിമർശനം. അശ്ലീലച്ചുവയുള്ള ഈ പരാമർശം ഒരാളും പൊതുസ്ഥലത്തു പറയരുതാത്തതാണെന്ന് വിമർശകർ ചൂണ്ടിക്കാട്ടുന്നു.