ഒണ്‍ലിഫാന്‍സില്‍ നിന്ന് മാത്രം കഴിഞ്ഞ കൊല്ലം സമ്പാദിച്ചത് 367 കോടി ; ഫാന്‍സിനേയും ഫോളോവേഴ്‌സിനേയും ഞെട്ടിച്ച് സോഫി റെയിന്‍

NOVEMBER 30, 2024, 12:33 AM

പ്രമുഖ സോഷ്യല്‍ മീഡിയ ഇന്‍ഫ്‌ളുവന്‍സറും മോഡലുമായ സോഫി റെയിന്‍ കഴിഞ്ഞ ഒരു കൊല്ലത്തെ തന്റെ വരുമാനം വെളിപ്പെടുത്തി അമ്പരപ്പിച്ചിരിക്കുകയാണ്. 2023 നവംബര്‍ മുതല്‍ 2024 നവംബര്‍ വരെയുള്ള കാലയളവില്‍ ഒണ്‍ലിഫാന്‍സ് പ്ലാറ്റ്‌ഫോമില്‍ നിന്ന് മാത്രം സോഫി നേടിയത് 43.4 മില്യണ്‍ ഡോളറാണ് ( 367 കോടി രൂപ). എക്‌സിലൂടെ തന്റെ വരുമാനത്തിന്റെ സക്രീന്‍ഷോട്ട് ഉള്‍പ്പെടെ പങ്കുവെച്ചാണ് തന്റെ ഫോളോവേഴ്‌സിന് സോഫി നന്ദി അറിയിച്ചത്.

ഇരുപതുകാരിയായ അഡല്‍റ്റ് കണ്ടന്റ് ക്രിയേറ്ററാണ് സോഫി റെയില്‍. ഒരു സാധാരണ കുടുംബത്തില്‍ ജനിച്ച് വളര്‍ന്ന സോഫി 17-മത്തെ വയസില്‍ ഒരു റെസ്റ്റോറന്റിലെ വെയ്ട്രസായി ജോലിയില്‍ പ്രവേശിച്ചു. കുടുംബത്തിനെ സഹായിക്കുകയായിരുന്നു ലക്ഷ്യം. തുടര്‍ന്ന് സഹോദരി സിയെറയ്‌ക്കൊപ്പമാണ് സോഫി സമൂഹമാധ്യമങ്ങളില്‍ സജീവമായത്. പുതിയ വരുമാനമാര്‍ഗ്ഗത്തിലൂടെ കുടംബത്തിന്റെ 12 ലക്ഷം രൂപയുടെ നികുതിബാധ്യത സോഫിയ്ക്ക് വീട്ടാന്‍ സാധിച്ചു.