വിജയ്ക്ക് പിന്നാലെ രാഷ്ട്രീയ പ്രവേശനത്തിനു തയാറെടുത്ത് നടൻ വിശാലും

FEBRUARY 7, 2024, 9:19 AM

സിനിമ പ്രേമികൾക്ക് ഏറെ പ്രിയപ്പെട്ട താരമാണ് തമിഴ് നടൻ വിശാൽ. സിനിമയ്ക്ക് പുറമേ സാമൂഹ്യ വിഷയങ്ങളിൽ ഇടപെടുന്ന വിശാൽ ഭാവിയിൽ തമിഴ്‌നാട് രാഷ്ട്രീയത്തിൽ ഇറങ്ങുന്നതിനെ പറ്റി പല തരത്തിലുളള അഭ്യൂഹങ്ങളും പ്രചരിക്കുന്നുണ്ട്.

ഈ അഭ്യൂഹങ്ങൾക്ക് ഏറെക്കുറെ വിരാമമാകുകയാണ്. നടൻ വിജയ്ക്ക് പിന്നാലെ രാഷ്ട്രീയ പ്രവേശനത്തിനു തയാറെടുകകയാണ് വിശാലും എന്നാണ് വാർത്തകൾ പുറത്തുവരുന്നത്.

വർഷങ്ങളായി തമിഴ്നാട് രാഷ്ട്രീയത്തിൽ താൽപര്യം കാണിക്കുന്ന താരമാണ് വിശാൽ. ജയലളിതയുടെ മരണത്തിനു പിന്നാലെ ആർകെ നഗറിൽ നടന്ന ഉപതിരഞ്ഞെടുപ്പിൽ മത്സരിക്കാൻ ശ്രമിച്ചിരുന്നു. എന്നാൽ, നാമനിർദേശ പത്രിക തള്ളിപ്പോകുകയായിരുന്നു. അതിനാൽ ഉപതെരഞ്ഞെടുപ്പ് ഉപേക്ഷിക്കേണ്ടി വന്നു.