'ഒന്നുകൊണ്ട് മതിയായില്ലേ?'; 'ദ കേരള സ്റ്റോറി'ക്ക് രണ്ടാം ഭാഗം വരുന്നു

JANUARY 6, 2026, 4:41 AM

കൊച്ചി: വൻ വിവാദങ്ങൾക്കും ചർച്ചകൾക്കും കാരണമായ 'ദ കേരള സ്റ്റോറി'ക്ക് രണ്ടാം ഭാഗം വരുന്നു. 2013ൽ ഇറങ്ങിയ ചിത്രത്തിന്റെ രണ്ടാം ഭാഗം, 'ബിയോണ്ട് ദ കേരള സ്റ്റോറി' എന്ന പേരിലാണ് പുറത്തിറക്കുക എന്നാണ് ലഭിക്കുന്ന റിപ്പോർട്ട്. വിപുൽ അമൃത് ലാൽ ഷായും സൺഷൈൻ പിക്ചേഴ്സ് ലിമിറ്റഡും ചേർന്നാണ് ചിത്രം അവതരിപ്പിക്കുന്നത്.

2026 ഫെബ്രുവരി 27ന് ചിത്രം തിയേറ്ററുകളിൽ പ്രദർശനത്തിനെത്തും എന്നാണ് അണിയറ പ്രവർത്തകർ വ്യക്തമാക്കുന്നത്. ദേശീയ പുരസ്കാര ജേതാവായ കാമാഖ്യ നാരായൺ സിംഗ് ആണ് സിനിമയുടെ സംവിധാനം. ആഷിൻ എ ഷാ ആണ് സഹനിർമാണം. സിനിമയുടെ കഥാപശ്ചാത്തലത്തേപ്പറ്റി സൂചന നൽകാത്ത മോഷൻ പോസ്റ്ററിലൂടെയായിരുന്നു റിലീസ് തീയതി പ്രഖ്യാപിച്ചിരിക്കുന്നത്.