വിവാഹത്തിന് ഇനി പത്തുനാൾ മാത്രം; ആരാധകരെ സന്തോഷ വാർത്ത അറിയിച്ചു കാളിദാസ് ജയറാം

NOVEMBER 27, 2024, 10:43 PM

വിവാഹത്തിന് ഇനി പത്തുനാൾ മാത്രമെന്ന് ആരാധകരെ അറിയിച്ച് നടൻ കാളിദാസ് ജയറാം രംഗത്ത്. പ്രതിശ്രുത വധു തരിണി കലിംഗരായർക്കൊപ്പമുള്ള ചിത്രം പങ്കുവച്ചാണ് കാളിദാസ് ആരാധകരെ സന്തോഷ വാർത്ത അറിയിച്ചത്.

കഴിഞ്ഞവർഷം നവംബറിലായിരുന്നു കാളിദാസിന്റെയും തരിണിയുടെയും വിവാഹനിശ്ചയം. ഇതിന്റെ ചിത്രങ്ങൾ സമൂഹമാദ്ധ്യമങ്ങളിൽ വൈറലായിരുന്നു.

രണ്ട് വർഷം മുൻപാണ് കാളിദാസ് സമൂഹമാദ്ധ്യമങ്ങളിലൂടെ തന്റെ പ്രണയം വെളിപ്പെടുത്തിയത്. 2021ലെ ലിവാ മിസ് ദിവാ റണ്ണറപ്പായ തരിണിക്കൊപ്പമുള്ള ചിത്രമാണ് താരം അന്ന് പങ്കുവച്ചത്. തിരുവോണദിവസം കാളിദാസ് പങ്കുവച്ച കുടുംബ ചിത്രത്തിലും തരിണി ഉണ്ടായിരുന്നു. നീലഗിരി സ്വദേശിയാണ് തരിണി. വിഷ്വൽ കമ്മ്യൂണിക്കേഷനിൽ ബിരുദം നേടിയിട്ടുണ്ട്.