നടി പവിത്ര ജയറാമിന്റെ മരണത്തിൽ മനംനൊന്ത് നടന്‍ ചന്തു ജീവനൊടുക്കി

MAY 18, 2024, 1:26 PM

തെലുഗ് - കന്നഡ സീരിയൽ താരം ചന്ദ്രകാന്തിനെ(ചന്തു) മരിച്ച നിലയിൽ കണ്ടെത്തി. ആന്ധ്രാപ്രദേശിലെ മണികൊണ്ടയിലെ വീട്ടിൽ ഇന്ന് രാവിലെയാണ് ചന്ദ്രകാന്തിനെ മരിച്ചനിലയിൽ കണ്ടെത്തിയത്.

നടി പവിത്ര വാഹനപകടത്തിൽ മരിച്ച് ആറ് ദിവസത്തിനുശേഷമാണ് ചന്തുവിനെ മരിച്ചനിലയിൽ കണ്ടെത്തിയത്. ഇരുവരും പ്രണയത്തിലായിരുന്നുവെന്ന് അടുത്ത വൃത്തങ്ങൾ മാധ്യമങ്ങളോട് പറഞ്ഞു. പവിത്രയുടെ മരണത്തിനുപിന്നാലെ ചന്തു വിഷാദത്തിലായിരുന്നു.

തെലുഗിലും കന്നഡയിലും ഹിറ്റായ ത്രിനയനി എന്ന സീരിയലിൽ ഇരുവരും ജോഡിയായി അഭിനയിച്ചിരുന്നു. ഫോൺ കോളുകളോട് പ്രതികരിക്കാത്തതിനെത്തുടർന്ന് ചന്തുവിന്റെ മുറിയുടെ വാതിൽ തകർത്ത് അകത്തുകടന്നപ്പോഴായിരുന്നു മരിച്ചനിലയിൽ കണ്ടെത്തിയത്. മുറിയിൽനിന്ന് ചന്തുവിന്റെ ആത്മഹത്യക്കുറിപ്പ് കണ്ടെത്തി.