18-കാരനായ ആർവിഡ് ലിൻഡ്‌ബ്ലാഡിന്റെ  ഫോർമുല 1 അരങ്ങേറ്റം കായികലോകം ഇപ്പോൾ ഉറ്റുനോക്കുന്ന ഏറ്റവും പുതിയ വാർത്തയാണ് . ബ്രിട്ടന്റെ ചരിത്രത്തിലെ ഏറ്റവും പ്രായം കുറഞ്ഞ എഫ് വൺ ഡ്രൈവറായി മാറാൻ ഒരുങ്ങുന്ന ലിൻഡ്‌ബ്ലാഡ്, തന്റെകരിയറിലെ വെല്ലുവിളികളെക്കുറിച്ച്  മനസ്സ് തുറക്കുന്നു.

2026-ലെ ഫോർമുല 1 സീസണിൽ റെഡ് ബുള്ളിന്റെ സഹോദര ടീമായ റേസിംഗ് ബുൾസിന് (Racing Bulls) വേണ്ടിയാണ് ആർവിഡ് ലിൻഡ്‌ബ്ലാഡ് സ്റ്റിയിറിംഗ് പിടിക്കുന്നത്. ഇതോടെ എഫ് വൺ ചരിത്രത്തിൽ ഇന്ത്യയുമായി കുടുംബബന്ധമുള്ള ആദ്യ ബ്രിട്ടീഷ് ഡ്രൈവറായി ഈ 18-കാരൻ മാറും. മാർച്ചിൽ ഓസ്‌ട്രേലിയയിൽ നടക്കുന്ന ഗ്രാൻഡ് പ്രീയിലാണ് താരത്തിന്റെ അരങ്ങേറ്റം.

ലിൻഡ്‌ബ്ലാഡിന്റെ മാതാവ് അനിത ഇന്ത്യൻ വംശജയാണ്. 1947-ലെ ഇന്ത്യ-പാക് വിഭജന കാലത്ത് നിലവിൽ പാകിസ്ഥാനിലുള്ള പഞ്ചാബ് പ്രവിശ്യയിൽ നിന്നും എല്ലാം ഉപേക്ഷിച്ച് പലായനം ചെയ്യേണ്ടി വന്നവരാണ് തന്റെ മുത്തശ്ശി (സിഖ്) എന്നും മുത്തച്ഛൻ (ഹിന്ദു) എന്നും ആർവിഡ് ഓർക്കുന്നു. പിന്നീട് യുകെയിൽ ഡോക്ടർമാരായി ജീവിതം കെട്ടിപ്പടുത്ത അവരുടെ കഠിനാധ്വാനമാണ് തന്റെ കരിയറിന് പ്രചോദനമെന്ന് താരം പറയുന്നു. സ്വീഡിഷ് പൗരനായ പിതാവ് സ്റ്റെഫാനിലൂടെയാണ് ആർവിഡിന് മോട്ടോർ സ്‌പോർട്‌സിനോടുള്ള താൽപ്പര്യം ലഭിച്ചത്.

വെറും 13-ാം വയസ്സിൽ റെഡ് ബുള്ളിന്റെ ഡ്രൈവർ പ്രോഗ്രാമിൽ ഇടംപിടിച്ച ലിൻഡ്‌ബ്ലാഡ്, പ്രശസ്തനായ ഹെൽമുട്ട് മാർക്കോയുടെ നിരീക്ഷണത്തിലായിരുന്നു. എഫ് 4, എഫ് 3, എഫ് 2 വിഭാഗങ്ങളിൽ മിന്നും പ്രകടനം കാഴ്ചവെച്ച താരം ഒടുവിൽ ലോകത്തെ ഏറ്റവും മികച്ച റേസിംഗ് വേദിയിലേക്ക് തിരഞ്ഞെടുക്കപ്പെട്ടു. ലിയാം ഡാവ്സൺ ക്രിക്കറ്റിൽ ഇംഗ്ലണ്ടിനായി തിളങ്ങുന്നത് പോലെ, റേസിംഗ് ട്രാക്കിൽ ബ്രിട്ടന്റെ അഭിമാനമാകാനാണ് ലിൻഡ്‌ബ്ലാഡിന്റെ ലക്ഷ്യം.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്