മാസങ്ങൾ നീണ്ട ലേലം വിളികൾക്കൊടുവിൽ പ്രമുഖ ചലച്ചിത്ര നിർമ്മാണ കമ്പനിയായ വാർണർ ബ്രദേഴ്സ് ഡിസ്കവറിയെ പാരാമൗണ്ട് സ്കൈഡാൻസ്  സ്വന്തമാക്കി. ഹോളിവുഡ് സ്റ്റുഡിയോയെ ഏറ്റെടുക്കാനുള്ള പോരാട്ടത്തിൽ നിന്ന് നെറ്റ്ഫ്ലിക്സ്  പിന്മാറിയതോടെയാണ് പാരാമൗണ്ട് വിജയികളായത്.

പാരാമൗണ്ട് സ്കൈഡാൻസ് മുന്നോട്ടുവെച്ച തുകയുമായി പൊരുത്തപ്പെടാൻ സാമ്പത്തികമായി സാധിക്കില്ലെന്ന് വ്യക്തമാക്കിയാണ് നെറ്റ്ഫ്ലിക്സ് ലേലത്തിൽ നിന്ന് പിൻവാങ്ങിയത്. "ഞങ്ങൾ എപ്പോഴും സാമ്പത്തിക അച്ചടക്കം പാലിക്കുന്നവരാണ്. പാരാമൗണ്ടിന്റെ പുതിയ ഓഫറിനൊപ്പം എത്തുക എന്നത് പ്രായോഗികമല്ല," എന്ന് നെറ്റ്ഫ്ലിക്സ് പ്രസ്താവനയിലൂടെ അറിയിച്ചു.

വാർണർ ബ്രദേഴ്സിന്റെ ഒരു ഓഹരിക്ക് 31 ഡോളർ എന്ന നിരക്കിലാണ് പാരാമൗണ്ട് ലേലം ഉറപ്പിച്ചത്. നെറ്റ്ഫ്ലിക്സ് മുന്നോട്ടുവെച്ചിരുന്നത് 27.75 ഡോളർ ആയിരുന്നു. പാരാമൗണ്ടും വാർണർ ബ്രദേഴ്സും ഒന്നിക്കുന്നത് ഓഹരി ഉടമകൾക്ക് വലിയ നേട്ടമാകുമെന്ന് വാർണർ സിഇഒ ഡേവിഡ് സാസ്‌ലവ് പറഞ്ഞു. ലോകത്തെ ചലിപ്പിക്കുന്ന കഥകൾ ഇനി ഒന്നിച്ച് പറയുമെന്നും അദ്ദേഹം കൂട്ടിച്ചേർത്തു.

ഒറാക്കിൾ സഹസ്ഥാപകൻ ലാറി എലിസണിന്റെ സാമ്പത്തിക പിന്തുണ പാരാമൗണ്ട് സിഇഒ ഡേവിഡ് എലിസണ് ഉണ്ടായിരുന്നു. ലാറി എലിസണെപ്പോലെയുള്ള ഒരു ശതകോടീശ്വരനുമായി ലേലത്തിൽ മത്സരിക്കുന്നത് യുക്തിസഹമല്ലെന്ന് നെറ്റ്ഫ്ലിക്സ് ഉപദേശകർ വിലയിരുത്തി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്