ഡയറി അപകടം: കൊളറാഡോയില്‍ ആറ് പേരെ മരിച്ച നിലയില്‍ കണ്ടെത്തി

AUGUST 21, 2025, 7:10 PM

കൊളറാഡോയില്‍ ഉണ്ടായ ഡയറി അപകടത്തില്‍ ആറ് പേരെ മരിച്ച നിലയില്‍ കണ്ടെത്തിയതായി അഗ്‌നിശമന ഉദ്യോഗസ്ഥര്‍ അറിയിച്ചു. ഡെന്‍വറില്‍ നിന്ന് നിന്ന് ഏകദേശം 30 മൈല്‍ വടക്ക്-വെല്‍ഡ് കൗണ്ടി റോഡ് 18 ലെ 32000 ബ്ലോക്കില്‍ ഓഗസ്റ്റ് 20 നാണ് ആറ് മൃതദേഹങ്ങള്‍ കണ്ടെടുത്തത്. സൗത്ത് ഈസ്റ്റ് വെല്‍ഡ് ഫയര്‍ പ്രൊട്ടക്ഷന്‍ ജില്ലാ ഉദ്യോഗസ്ഥരാണ് ഇക്കാര്യം അറിയിച്ചത്.

സ്ഥലത്ത് രക്ഷാപ്രവര്‍ത്തനം നടത്തുന്നതിനായി വൈകുന്നേരം 6 മണിയോടെയാണ് അവരെ സ്ഥലത്തേക്ക് അയച്ചതെന്ന് വെല്‍ഡ്, ആഡംസ് കൗണ്ടികളുടെ ഭാഗങ്ങള്‍ ഉള്‍ക്കൊള്ളുന്ന ജില്ലയുടെ അഗ്‌നിശമന സേനാ മേധാവി ടോം ബീച്ച് പറഞ്ഞു. അതേസമയം ഏജന്‍സി കൂടുതല്‍ വിവരങ്ങള്‍ പുറത്തുവിടില്ലെന്ന് അഗ്‌നിശമന ജില്ലാ വക്താവ് ഐറിന്‍ ബര്‍ക്ക് പറഞ്ഞു.

പ്രദേശത്തെ ഒരു ഡയറി ഫാം ആണെന്ന് പ്രാദേശിക വാര്‍ത്താ റിപ്പോര്‍ട്ടുകളില്‍ നിന്നാണ് തിരിച്ചറിഞ്ഞത്. അന്വേഷണത്തില്‍ കുറ്റകരമായ ഒന്നും കണ്ടെത്തിയില്ലെന്ന് വെല്‍ഡ് കൗണ്ടി ഷെരീഫ് ഓഫീസ് വക്താവ് മെലിസ ചെസ്‌മോര്‍ പറഞ്ഞു. സംഭവത്തെക്കുറിച്ച് അന്വേഷിക്കുന്നുണ്ടെന്ന് ഏജന്‍സി വക്താവ് ചൗന്ത്ര റിഡോക്‌സ് പറഞ്ഞു. പരിശോധന പൂര്‍ത്തിയായ ശേഷം കൂടുതല്‍ വിവരങ്ങള്‍ ലഭ്യമാകുമെന്ന് റൈഡോക്‌സ് പറഞ്ഞു.