'ഗാസയില്‍ പട്ടിണി ഇല്ല'; നെതന്യാഹുവിന്റെ പ്രതികരണത്തില്‍ ഫോണിലൂടെ ശകാരിച്ച് ട്രംപ്

AUGUST 8, 2025, 1:36 PM

വാഷിംഗ്ടണ്‍: പ്രധാനമന്ത്രി ബെഞ്ചമിന്‍ നെതന്യാഹുവും യുഎസ് പ്രസിഡന്റ് ഡൊണാള്‍ഡ് ട്രംപും അടുത്തിടെ ഗാസ മുനമ്പിലെ മാനുഷിക പ്രതിസന്ധിയെക്കുറിച്ച് ഫോണിലൂടെ പരസ്പരം പോരടിച്ചെന്ന് പേര് വെളിപ്പെടുത്താത്ത മുതിര്‍ന്ന യുഎസ് ഉദ്യോഗസ്ഥരെ ഉദ്ധരിച്ച് എന്‍ബിസി ന്യൂസ് റിപ്പോര്‍ട്ട് ചെയ്യുന്നു.

ജൂലൈ 28 ന് ഒരു പരിപാടിയില്‍ നെതന്യാഹു വിശപ്പും പട്ടിണിയും ഉണ്ടെന്ന് വ്യാപകമായ റിപ്പോര്‍ട്ടുകള്‍ ഉണ്ടായിരുന്നിട്ടും, ഗാസയില്‍ പട്ടിണിയില്ല എന്ന് പറഞ്ഞതിന് ശേഷമാണ് ഫോണ്‍ സംഭാഷണം നടന്നതെന്ന് റിപ്പോര്‍ട്ട് പറയുന്നു നെതന്യാഹുവിന്റെ ഉറപ്പില്‍ തനിക്ക് പ്രത്യേകിച്ച് ബോധ്യപ്പെട്ടിട്ടില്ല എന്ന് ട്രംപ് അടുത്ത ദിവസം പരസ്യമായി പ്രതികരിച്ചു. മാത്രമല്ല മുനമ്പില്‍ യഥാര്‍ത്ഥ പട്ടിണി ഉണ്ടെന്നും പറഞ്ഞു. നിങ്ങള്‍ക്ക് അത് വ്യാജമാക്കാന്‍ കഴിയില്ലെന്ന് കൂട്ടിച്ചേര്‍ത്തു.

ട്രംപിന്റെ അഭിപ്രായങ്ങള്‍ക്ക് ശേഷം, നെതന്യാഹു പ്രസിഡന്റുമായി ഒരു ഫോണ്‍ കോളിലൂടെ മണിക്കൂറുകള്‍ സംസാരിച്ചുവെന്നും റിപ്പോര്‍ട്ടില്‍ പറയുന്നു.