ലോകത്തിലെ ഏറ്റവും വലുതും പഴക്കമുള്ളതുമായ പ്രവാസി മലയാളി സംഘടനയായ ഫെഡറേഷൻ ഓഫ് കേരള അസോസിയേഷൻസ് ഇൻ നോർത്ത് അമേരിക്ക ഇന്റർനാഷണൽ  യുവതലമുറയുടെ ഭാവിക്ക് വെളിച്ചം പകരാൻ ലക്ഷ്യമിട്ട് ഒരു മഹത്തായ യുവജന സമ്മേളനം സംഘടിപ്പിക്കുന്നു. 1983ൽ സ്ഥാപിതമായതു മുതൽ, 41 വർഷത്തിലേറെയായി കേരളത്തിന്റെ സമ്പന്നമായ സംസ്‌കാരവും പൈതൃകവും പ്രചരിപ്പിക്കുന്നതിലും, പ്രവാസി മലയാളികളുടെ ഉന്നമനത്തിനുവേണ്ടി പ്രവർത്തിക്കുന്നതിലും ഫെഡറേഷൻ ഓഫ് കേരള അസോസിയേഷൻസ് ഇൻ നോർത്ത് അമേരിക്ക ഇന്റർനാഷണൽ മുൻപന്തിയിലാണ്.

ആഗോള മലയാളികൾക്കിടയിൽ ഫെഡറേഷൻ ഓഫ് കേരള അസോസിയേഷൻസ് ഇൻ നോർത്ത് അമേരിക്ക ഇന്റർനാഷണൽ ഒരു സുപരിചിത നാമമാണ്. പ്രവാസി മലയാളികൾക്ക് പ്രയോജനകരമായ നിരവധി പരിപാടികൾക്ക് തുടക്കം കുറിച്ചതിനൊപ്പം, പ്രവാസികൾക്കിടയിൽ കേരളത്തിന്റെ സാംസ്‌കാരിക സവിശേഷതകൾ സംരക്ഷിക്കുന്നതിനും ഫെഡറേഷൻ ഓഫ് കേരള അസോസിയേഷൻസ് ഇൻ നോർത്ത് അമേരിക്ക ഇന്റർനാഷണൽ നിരവധി സംരംഭങ്ങൾ ആരംഭിച്ചിട്ടുണ്ട്.

സമ്മേളന വിഷയം: 'യുവജനങ്ങളിൽ വർദ്ധിച്ചുവരുന്ന ലഹരി ഉപയോഗവും അക്രമവും: കുടുംബത്തിന്റെ പങ്ക്' (Addition & violence among young adults/role of family)
തീയതിയും സമയവും:
•    തീയതി: 2025 ജൂൺ 29, ഞായറാഴ്ച
•    സമയം: അമേരിക്കൻ സമയം: രാവിലെ 10:00 അങ
    ഇന്ത്യൻ സമയം: വൈകുന്നേരം 7:30 ജങ
സൂം  - Meeting ID: 987 9481 0895
Passcode: Fokana1234

സമ്മേളനത്തിന്റെ പ്രാധാന്യം: യുവതലമുറ നേരിടുന്ന ഏറ്റവും വലിയ വെല്ലുവിളികളിലൊന്നാണ് ലഹരി ഉപയോഗവും അതിനോടനുബന്ധിച്ചുള്ള അക്രമ പ്രവണതകളും. ഈ ഗുരുതരമായ സാമൂഹിക പ്രശ്‌നം സമഗ്രമായി ചർച്ച ചെയ്യാനും, ഇതിനെ നേരിടുന്നതിൽ കുടുംബങ്ങൾക്ക് വഹിക്കാവുന്ന നിർണ്ണായകമായ പങ്ക് എന്താണെന്ന് കണ്ടെത്താനും ഈ സമ്മേളനം വേദിയൊരുക്കും. പ്രമുഖ വ്യക്തിത്വങ്ങളും വിദഗ്ദ്ധരും പങ്കെടുക്കുന്ന ഈ സമ്മേളനം യുവജനങ്ങളെയും അവരുടെ കുടുംബങ്ങളെയും ബോധവൽക്കരിക്കുകയും ശരിയായ പാതയിലേക്ക് നയിക്കുകയും ചെയ്യും.

പ്രധാന പ്രഭാഷകരും വിഷയ അവതാരകരും ആശംസകളും, സമ്മേളനത്തിന് മാറ്റുകൂട്ടാൻ വിവിധ മേഖലകളിൽ നിന്നുള്ള പ്രമുഖ വ്യക്തിത്വങ്ങൾ അണിനിരക്കും.

സണ്ണി മറ്റമന (പ്രസിഡന്റ്, ഫൊക്കാന ഇന്റർനാഷണൽ) അധ്യക്ഷനായ മീറ്റിംഗിൽ കേരള ജലസേചന വകുപ്പ് മന്ത്രി റോഷി അഗസ്റ്റിൻ ചടങ്ങു  ഉദ്ഘാടനം ചെയ്യും. എം.എൽ.എ. മോൻസ് ജോസഫ് (കേരള നിയമസഭാ അംഗം), ഋഷിരാജ് സിംഗ് (ഡയറക്ടർ ജനറൽ ഓഫ് പോലീസ്), ഇ.എസ്. ബിജുമോൻ (സൈബർ ക്രൈം & സൈബർ സുരക്ഷാ ഇൻവെസ്റ്റിഗേറ്റർ), ജോസഫ് കുറിയാപ്പുറം (ബോർഡ് ഓഫ് ട്രസ്റ്റി ചെയർമാൻ, ഫൊക്കാന ഇന്റർനാഷണൽ), ഡോ. ഷിജു കിഴക്കേടം (മഹാത്മാഗാന്ധി സർവകലാശാലാ പ്രൊഫസർ), ഡോ. ജേക്കബ് ഈപ്പൻ (മെഡിക്കൽ ഡയറക്ടർ, അൽമേഡ ഹെൽത്ത് സിസ്റ്റം), ഡോ. കല ഷഹി (മെഡിക്കൽ ഡയറക്ടർ, സെക്കൻഡ് ചാൻസ് അഡിക്ഷൻ സെന്റർ), അലക്‌സാണ്ട്ര കാപ്പാസ് (പ്രസിഡന്റ്, കാത്തലിക് ചാരിറ്റി ഹോംലെസ്സ് മിഷൻ) എന്നിവർ മുഖ്യ പ്രഭാഷകരായിരിക്കും,  സിമി റോസ്‌ബെൽ(ഇന്റർനാഷണൽ വുമൺ കോർഡിനേറ്റർ), സൈബെൽ  സാജൻ ഗവേഷകൻ ഇന്റർനാഷണൽ റിലേഷൻസ് ഡൽഹി യൂണിവേഴ്‌സിറ്റി), മഹിത വിജിലി (ഗവേഷണ  വിദ്യാർത്ഥി, സൈക്കോളജി),  അഡ്വ. ആർ.ആർ. സഞ്ജയ് കുമാർ (മുൻ കേരള സംസ്ഥാന യുവജന കമ്മീഷൻ അംഗം), അഗസ്റ്റി ജെസ്സ (പ്രസന്റേഷൻ കോളേജ്, പുത്തൻ വേലിക്കര, അവസാന വർഷ വിദ്യാർത്ഥി),അന്ന മരിയ ( സെയിന്റ് തെരേസാസ് കോളേജ് എറണാകുളം) എന്നിവർ മറ്റു പ്രാസംഗികർ ആയിരിക്കും. അതോടപ്പം ആകാശ് അജീഷ് (യുവജന കോർഡിനേറ്റർ, ഫൊക്കാന ഇന്റർനാഷണൽ), ആതിര ഷഹി (യുവജന കമ്മിറ്റി അസോസിയേറ്റ് കോഓർഡിനേറ്റർ), തോമസ് ജോർജ്ജ് (യുവജന ഉപദേഷ്ടാവ്, ഫൊക്കാന ഇന്റർനാഷണൽ) എന്നിവർ ആശംസകൾ അറിയിക്കും.

ലോകത്തിന്റെ വിവിധ ഭാഗങ്ങളിൽ നിന്നുള്ള യുവജനങ്ങൾ ഈ സമ്മേളനത്തിൽ പങ്കെടുക്കും. ഇത് ഒരു ആഗോള പ്ലാറ്റ്‌ഫോമായി വർത്തിക്കുകയും, യുവജനങ്ങൾക്ക് പരസ്പരം ആശയങ്ങൾ കൈമാറാനും സമാന ചിന്താഗതിക്കാരായ ആളുകളുമായി ബന്ധപ്പെടാനും അവസരം നൽകുകയും ചെയ്യും. ഈ വിഷയത്തിൽ താൽപ്പര്യമുള്ള എല്ലാവരെയും, പ്രത്യേകിച്ച് യുവജനങ്ങളെയും അവരുടെ കുടുംബങ്ങളെയും, ഈ സമ്മേളനത്തിലേക്ക് ഹാർദ്ദവമായി സ്വാഗതം ചെയ്യുന്നു. ഈ സംരംഭം യുവജനങ്ങളുടെ ഭാവിക്കും സമൂഹത്തിന്റെ നന്മയ്ക്കും ഒരു മുതൽക്കൂട്ടാകും എന്ന് ഫെഡറേഷൻ ഓഫ് കേരള അസോസിയേഷൻസ് ഇൻ നോർത്ത് അമേരിക്ക ഇന്റർനാഷണൽ വിശ്വസിക്കുന്നു.

കൂടുതൽ വിവരങ്ങൾക്കായി ഫെഡറേഷൻ ഓഫ് കേരള അസോസിയേഷൻസ് ഇൻ നോർത്ത് അമേരിക്ക ഇന്റർനാഷണൽ ഔദ്യോഗിക വെബ്‌സൈറ്റ് സന്ദർശിക്കുകയോ ബന്ധപ്പെട്ട ഭാരവാഹികളുമായി ബന്ധപ്പെടുകയോ ചെയ്യാവുന്നതാണ്.

ഷാജി ജോൺ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്