ഷിക്കാഗോ: ബെൻസൻവിൽ തിരുഹൃദയ ക്‌നാനായ കത്തോലിക്കാ ഫൊറോന ഇടവകയിലെ പതിനഞ്ച് മാലാഖ കുഞ്ഞുങ്ങളുടെ ആഘോഷമായ ദിവ്യകാരുണ്യസ്വീകരണം മെയ് 24 ശനിയാഴ്ച വൈകുന്നേരം 4 മണിയ്ക്ക് കോട്ടയം അതിരൂപതാ മെത്രാപ്പോലിത്താ അഭി. മാർ. മാത്യു മൂലക്കാട്ട് മെത്രാപ്പോലീത്തായുടെ മുഖ്യകാർമികത്വത്തിൽ നടത്തപ്പെടുന്നു. 

പുതിയ ദൈവാലയത്തിലേക്ക് മാറ്റപ്പെട്ടതിന് ശേഷമുളള രണ്ടാമത്തെ ആഘോഷമായ ദിവ്യകാരുണ്യസ്വീകരണത്തിന് മാതാപിതാക്കളുടെയും ദൈവാലയ എക്‌സിക്യുട്ടീവ് അംഗങ്ങളുടെയും നേതൃത്വത്തിൽ ഒരുക്കങ്ങൾ പുരോഗമിക്കുന്നു. 

ഈ വർഷം സമാന്ത കണ്ടാരപ്പളളിൽ, ആന്റണി കരിമ്പുംകാലായിൽ, ജേക്കബ് മൂന്നുപറയിൽ, ആഡലിൻ വെള്ളാപ്പിള്ളിൽ, സെമീറ വെള്ളാപ്പിള്ളിൽ, ബെഞ്ചമിൻ മലേമുണ്ടയ്ക്കൽ,
റൈലി മലേമുണ്ടയ്ക്കൽ, എമ്മലൈൻ കുളത്തിൽകരോട്ട്, അമായ പുഴക്കരോട്ട്, ജെനീസ് കരുനാട്ട്, ആലിസൻ മുണ്ടുപാലത്തിങ്കൽ, നാഡ്‌ലിൻ പുതുശ്ശേരിൽ, നോവ വഞ്ചിപ്പുരയ്ക്കൽ, ജെസ്വിൻ ഒറവക്കുഴിയിൽ, നോവ ഈന്തുംകാട്ടിൽ, എന്നിവർ ആഘോഷമായ ദിവ്യകാരുണ്യം സ്വീകരിക്കുന്നു. 

ദൈവാലയത്തിലെ തിരുകർമ്മങ്ങൾക്ക് ശേഷം ദൈവാലയ ഹാളിൽ കുട്ടികൾക്ക് സ്വീകരണവും കലാപരിപാടികളും സ്‌നേഹവിരുന്നും ക്രമീകരിച്ചിട്ടുണ്ട്. ഇടവക ദൈവജനം പ്രാർത്ഥനയോടെ ഈ പുണ്യദിനത്തിനായി ഒരുങ്ങുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്