ഷാർജയിൽ നടക്കുന്ന ടി20 ട്രൈസീരീസിനും യുഎഇയിൽ നടക്കുന്ന ഏഷ്യാകപ്പ് 2025നും വേണ്ടിയുള്ള അഫ്ഗാനിസ്ഥാൻ ടീമിനെ പ്രഖ്യാപിച്ചു. സ്പിന്നർമാർക്ക് മുൻതൂക്കം നൽകുന്ന ടീമിനെ റാഷിദ് ഖാൻ നയിക്കും. മുഹമ്മദ് നബി, മുജീബ് ഉർ റഹ്മാൻ, നൂർ അഹമ്മദ്, യുവതാരം എം ഗസൻഫർ എന്നിവർ ഉൾപ്പെടെയുള്ള ലോകോത്തര സ്പിന്നർമാരെ ടീം പ്രധാനമായും ആശ്രയിക്കും.
ഷാർജയിലെയും അബുദാബിയിലെയും പതുക്കെ സഞ്ചരിക്കുന്ന പിച്ചുകൾ മുതലെടുക്കുക എന്ന അഫ്ഗാനിസ്ഥാന്റെ തന്ത്രമാണ് ഈ ടീം തിരഞ്ഞെടുപ്പിൽ കാണാൻ സാധിക്കുന്നത്.

ഓഗസ്റ്റ് 29ന് പാകിസ്താനെതിരെയാണ് ട്രൈസീരീസിൽ അഫ്ഗാനിസ്ഥാന്റെ ആദ്യ മത്സരം. സെപ്തംബർ 9ന് ഹോങ്കോങ്ങിനെതിരെയാണ് ഏഷ്യാ കപ്പിലെ ആദ്യ മത്സരം. ബംഗ്ലാദേശ്, ശ്രീലങ്ക, ഹോങ്കോംഗ് എന്നിവർക്കൊപ്പം ഗ്രൂപ്പ് ബിയിലാണ് അഫ്ഗാനിസ്ഥാൻ. കഴിഞ്ഞ വർഷം നടന്ന ടി20 ലോകകപ്പിൽ സെമി ഫൈനലിൽ എത്തിയ പ്രകടനം ഇത്തവണ മെച്ചപ്പെടുത്താൻ ടീം ലക്ഷ്യമിടുന്നു.

സ്പിൻ ആക്രമണം ശക്തമാണെങ്കിലും, ഫസൽഹഖ് ഫാറൂഖി, നവീൻഉൽഹഖ്, ഗുൽബദിൻ നായിബ് എന്നിവരുടെ പേസ് ബൗളിംഗ് ടീമിന് നിർണായകമാകും. ഏഷ്യാ കപ്പിന് ശേഷം അഫ്ഗാനിസ്ഥാൻ ബംഗ്ലാദേശുമായി യുഎഇയിൽ വെച്ച് വൈറ്റ്‌ബോൾ പരമ്പരയും കളിക്കും.

സ്‌ക്വാഡ്: റാഷിദ് ഖാൻ (ക്യാപ്ടൻ), റഹ്മാനുള്ള ഗുർബാസ്, ഇബ്രാഹിം സദ്രാൻ, ദർവീഷ് റസൂലി, സെദിഖുള്ള അടൽ, അസ്മത്തുള്ള ഒമർസായി, കരിം ജനത്, മുഹമ്മദ് നബി, ഗുൽബാദിൻ നായിബ്, ഷറഫുദ്ദീൻ അഷ്‌റഫ്, മുഹമ്മദ് ഇസ്ഹാഖ്, മുജീബ് ഉർറഹ്മാൻ, ഫയർ നൊറഹ്മാൻ, അഹമ്മദ്, നവീൻഉൾഹഖ്, ഫസൽഹഖ് ഫാറൂഖി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്