അഭ്യൂഹങ്ങൾക്ക് വിരാമമിട്ട് സൂപ്പർ താരം ക്രിസ്റ്റ്യാനോ റൊണാൾഡോ സൗദി ക്ലബ് അൽ നസറുമായുളള കരാർ പുതുക്കുന്നു. 2027 വരെ കരാർ പുതുക്കിയേക്കുമെന്നാണ് നിലവിൽ പുറത്തുവരുന്ന റിപ്പോർട്ട്. സൗദി പ്രോ ലീഗ് സീസണ് ശേഷം ക്ലബ് വിടുകയാണെന്ന് സമൂഹമാധ്യമത്തിലൂടെ റൊണാൾഡോ സൂചിപ്പിച്ചിരുന്നു.

അവസാന ലീഗ് മത്സരവും കളിച്ചു കഴിഞ്ഞശേഷം ആ അധ്യായം കഴിഞ്ഞു എന്നായിരുന്നു താരത്തിന്റെ പോസ്റ്റ്. പിന്നാലെ റൊണാൾഡോ അൽ നസറിൽനിന്ന് മറ്റു ക്ലബുകളിലേക്ക് ചേക്കേറിയെക്കുമെന്നായിരുന്നു റിപ്പോർട്ട്. ക്രിസ്റ്റ്യാനോയുടെ അൽ നസ്‌റുമായുള്ള നിലവിലെ കരാർ ജൂൺ 30ന് അവസാനിക്കും. വൻകിട ക്ലബ്ബുകൾ താരത്തിനായി ശ്രമം നടത്തുന്നതായി നേരത്തേ സ്ഥിരീകരിച്ചിരുന്നു.

അതിനിടെ താരത്തെ കൈവിടാൻ ഉദ്ദേശിക്കുന്നില്ലെന്നും കരാർ പുതുക്കാൻ ചർച്ചകൾ നടത്തിവരികയാണെന്നും ക്ലബ് മേധാവികൾ വ്യക്തമാക്കി. എന്നാൽ, ഇതുമായി ബന്ധപ്പെട്ട് താരത്തിൽ നിന്നോ ക്ലബ്ബ് അധികൃതരിൽ നിന്നോ ഇതുവരെ വിവരങ്ങളൊന്നും ലഭ്യമായിട്ടില്ലായിരുന്നു. രണ്ട് പ്ലസ് സീസണുകളിൽ അൽ നസറിനായി റൊണാൾഡോ മികച്ച പ്രകടനമാണ് പുറത്തെടുത്തത്. 2024-25ൽ ലീഗ് പ്ലേയിൽ 25 ഗോളുകളും എല്ലാ മത്സരങ്ങളിലുമായി 35 ഗോളുകളും താരം നേടി. എന്നാൽ കഴിഞ്ഞ സീസണിൽ മൂന്നാം സ്ഥാനത്ത് എത്തിയ അൽ നസറിന് ഇതുവരെ സൗദി പ്രോ ലീഗ് കിരീടം നേടാൻ കഴിഞ്ഞിട്ടില്ല. അൽ നസറിനായി 105 മത്സരങ്ങളിൽ നിന്ന് 93 ഗോളുകളും 19 അസിസ്റ്റുകളും ക്രിസ്റ്റ്യാനോ നേടിയിട്ടുണ്ട്.

അതേസമയം പോർച്ചുഗലിനെ യുവേഫ നേഷൻസ് ലീഗ് കിരീടത്തിലേക്ക് നയിച്ചപ്പോൾ ക്ലബ് ലോകകപ്പിൽ പങ്കെടുക്കുന്ന ടീമുകളിൽ നിന്ന് കുറച്ച് ഓഫറുകൾ ലഭിച്ചതായി താരം പറഞ്ഞിരുന്നു. പിന്നാലെ അൽ നസറിൽ തുടരുമോ എന്ന മാധ്യമപ്രവർത്തകരുടെ ചോദ്യത്തിന് 'അതെ' എന്ന് മാത്രമാണ് ക്രിസ്റ്റ്യാനോ മറുപടി നൽകിയത്.

അഞ്ച് തവണ ബാലൺ ഡി ഓർ ജേതാവായ റൊണാൾഡോ മാഞ്ചസ്റ്റർ യുണൈറ്റഡിലെ ആദ്യ കാലയളവിൽ മൂന്ന് പ്രീമിയർ ലീഗ് കിരീടങ്ങളും 2008ലെ ചാമ്പ്യൻസ് ലീഗും നേടി. പിന്നാലെ 2009ൽ റൊണാൾഡോ റയൽ മാഡ്രിഡിലേക്ക് മാറി. അവിടെ ഒമ്പത് സീസണുകളിലായി 438 മത്സരങ്ങളിൽ നിന്ന് 450 ഗോളുകൾ നേടി ക്ലബ്ബിന്റെ എക്കാലത്തെയും മികച്ച ഗോൾ നേടിയ കളിക്കാരനായി. നാല് ചാമ്പ്യൻസ് ലീഗ് കിരീടങ്ങളും രണ്ട് ലാലിഗ ട്രോഫികളും താരം സ്വന്തമാക്കി. 2018ൽ, അദ്ദേഹം യുവന്റസിലേക്കും അവിടെ നിന്നും 2021ൽ മാഞ്ചസ്റ്റർ യുണൈറ്റഡിലേക്ക് മടങ്ങുന്നതിന് മുമ്പ് രണ്ട് സീരി എ കിരീടങ്ങൾ നേടി.

പോർച്ചുഗലിനായി, അദ്ദേഹത്തിന് 138 ഗോളുകൾ ഉണ്ട് (പുരുഷന്മാരുടെ അന്താരാഷ്ട്ര റെക്കോർഡ്). കൂടാതെ ടീമിനെ മൂന്ന് പ്രധാന കിരീടങ്ങളിലേക്ക് നയിച്ചു. 2016 യൂറോപ്യൻ ചാമ്പ്യൻഷിപ്പും രണ്ട് നേഷൻസ് ലീഗുകളും (2019, 2024) നേടി. 2026 ലോകകപ്പ് റൊണാൾഡോയുടെ കരിയറിലെ ആറാമത്തെ ലോകകപ്പായിരിക്കും. ടൂർണമെന്റിൽ കളിച്ച ശേഷം അന്താരാഷ്ട്ര ഫുട്‌ബോളിൽ നിന്ന് ക്രിസ്റ്റ്യാനോ വിരമിക്കുമെന്നാണ് കരുതപ്പെടുന്നത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്