ന്യൂയോർക്ക് : ന്യൂയോർക്കിലെ മലയാളി ക്രൈസ്തവ കൂട്ടായ്മയായ സെന്റ് തോമസ് എക്യൂമെനിക്കൽ ഫെഡറേഷൻ ആഗോള കത്തോലിക്ക സഭയുടെ പരമാദ്ധ്യക്ഷൻ ഫ്രാൻസിസ് മാർപാപ്പയുടെ ദേഹവിയോഗത്തിൽ ദുഃഖം രേഖപ്പെടുത്തി. ഏപ്രിൽ മാസം 27ന് CSl ജൂബിലി മെമ്മോറിയൽ ദേവാലയത്തിൽ വച്ച് നടന്ന യോഗത്തിൽ പ്രസിഡന്റ് റവ. സാം എൻ. ജോഷ്വാ അനുശോചന പ്രമേയം അവതരിപ്പിച്ചു. ലളിതമായ ജീവിതം കൊണ്ടും നൂതനമായ ആശയങ്ങൾ കൊണ്ടും കത്തോലിക്കാ സഭയിൽ വിപ്ലവകരങ്ങളായ മാറ്റങ്ങൾ കൊണ്ടുവന്ന മാർപ്പാപ്പ, മനുഷ്യസ്‌നേഹത്തിന്റെയും കരുണയുടെയും പ്രതീകമായിരുന്നു. ആർദ്രതയും മനസ്സലിവുമുള്ള ഒരു വലിയഇടയാനായിരുന്നു.   

പ്രസ്തുത യോഗത്തിനു ശേഷം പ്രസിഡന്റ് റവ. സാം എൻ. ജോഷ്വായുടെ നേതൃത്വത്തിൽ ഒരു പ്രതിനിധി സംഘം മലങ്കര കത്തോലിക്കാ അമേരിക്ക -കാനഡ രൂപതയുടെ അധ്യക്ഷൻ ഡോ. ഫിലിപ്പോസ് മാർ സ്‌റ്റേഫാനോസ് മെത്രാപ്പോലീത്തയെ സന്ദർശിക്കുകയും ഫെഡറേഷന്റെ ദുഃഖം അറിയിക്കുകയും അനുശോചന പ്രമേയം കൈമാറുകയും ചെയ്തു. നിയുക്ത വൈസ് പ്രസിഡന്റ്  അനിൽ തോമസ് അനുശോചന പ്രസംഗം നടത്തി. മുൻ വൈസ് പ്രസിഡന്റ് റോയ് സി. തോമസ് പോപ്പിന്റ ഛായ ചിത്രത്തിനു മുന്നിൽ പുഷ്പങ്ങൾ സമർപ്പിച്ചു. തുടർന്ന് കത്തീഡ്രൽ ദേവാലയത്തിൽ മെത്രാപ്പോലീത്തയുടെ നേതൃത്വത്തിൽ നടത്തപ്പെട്ട പ്രാർത്ഥനയിൽ പങ്കുചേരുകയും ചെയ്തു.  ജോബി ജോർജ്, മനോജ് മത്തായി, ജോർജ് തോമസ്, ജോസഫ് വി. തോമസ്, തോമസ് ജേക്കബ്, കളത്തിൽ വർഗീസ്, ജയ് കെ. പോൾ, സജി തോമസ്, അച്ചാമ്മ മാത്യു എന്നിവർ സംഘത്തിലുണ്ടായിരുന്നു. ബിഷപ്പ് സെക്രട്ടറി ഫാ. നോബി അയ്യനേത്ത് പ്രതിനിധിസംഘത്തെ സ്വീകരിച്ചു. 

ജീമോൻ റാന്നി

വാർത്ത അയച്ചു തന്നത്: ഷാജി തോമസ് ജേക്കബ്‌

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്