യുഎഇ പ്രോ ലീഗ് ടീമായ അൽ വഹ്ദയ്‌ക്കെതിരെ നടന്ന സൗഹൃദ മത്സരത്തിൽ അൽനസ്‌റിന് തകർപ്പൻ വിജയം. മത്സരത്തിൽ രണ്ടിനെതിരെ നാല് ഗോളുകൾക്കാണ് (4-2) അൽനസ്ർ വിജയിച്ചത്.

സഊദി പ്രോ ലീഗ് സീസണിലെ അവസാന ഘട്ടത്തിന് മുന്നോടിയായുള്ള ടീമിന്റെ മിഡ്‌സീസൺ പരിശീലന ക്യാമ്പിന്റെ ഭാഗമായാണ് അൽനസ്ർ അബുദാബിയിലെത്തിയത്.

39-ാം വയസ്സിലും പ്രകടനം മങ്ങാത്ത ക്രിസ്റ്റ്യാനോ റൊണാൾഡോയാണ് ടീമിനെ നയിച്ചത്. ഈ സീസണിൽ അൽനസ്‌റിനായി ഇതിനകം 10 ഗോളുകൾ നേടിയിട്ടുണ്ട്. ക്ലബ്ബ്, അന്താരാഷ്ട്ര ഫുട്‌ബോളിലുമായി 1,000 കരിയർ ഗോളുകൾ എന്ന ചരിത്ര നേട്ടത്തിലേക്ക് എത്താനുള്ള ശ്രമത്തിലാണ് ഈ ഇതിഹാസ താരം.

യുഎഇയിലെ ഏറ്റവും ശക്തമായ ടീമുകളിൽ ഒന്നായ അൽ വഹ്ദ എഫ്‌സിക്ക് എതിരെ കളിച്ചത് സഊദി ലീഗിലെ നിർണായക മത്സരങ്ങൾക്ക് മുമ്പ് ടീമിന്റെ പ്രകടനം മെച്ചപ്പെടുത്താൻ അൽനസ്‌റിന് സഹായകമാകും. ഇരു ടീമുകളും നന്നായി കളിച്ചതോടെ ആരാധകർക്ക് മികച്ച ഫുട്‌ബോളാണ് കാണാനായത്.

കളിക്കളത്തിന് പുറത്തും ഈ സൗഹൃദ മത്സരം വലിയ ശ്രദ്ധ നേടി. റൊണാൾഡോയുടെ വരവ് പ്രഖ്യാപിച്ചതിന് പിന്നാലെ ടിക്കറ്റുകൾക്കായി വലിയ ഡിമാൻഡാണ് അബുദാബിയിൽ ചെലവായത്. വിജയം സഊദി പ്രോ ലീഗിലെ ശേഷിക്കുന്ന മത്സരങ്ങൾക്കായി അൽനസ്‌റിന് കൂടുതൽ ആത്മവിശ്വാസം നൽകും. ഡിസംബർ 21 ഞായറാഴ്ചയാണ് ടീമിന്റെ അടുത്ത നിർണായക ലീഗ് മത്സരം.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്