സൈനിക സേവനം പൂർത്തിയാക്കി ബിടിഎസ് അംഗങ്ങളായ ജിമിനും  (പാർക്ക് ജി-മിൻ), ജങ്‌കുക്കും  (ജിയോൺ ജങ്-കുക്ക്). അവസാനമായി ഒരിക്കൽ കൂടി യൂണിഫോം ധരിച്ച്, പ്രിയപ്പെട്ട കെ-പോപ്പ് താരങ്ങൾ കാത്തിരിക്കുന്ന ആരാധകരെയും മാധ്യമങ്ങളെയും അഭിവാദ്യം ചെയ്തു.

ഇരുവരും അഭിവാദ്യമർപിച്ചും സാക്സോഫോൺ വായിച്ചും ആരാധകരുടെ ഇടയിലെത്തി. ബി.ടി.എസ് വീണ്ടും ഒന്നിക്കുന്നതിനായി കുറച്ചുകൂടി കാത്തിരിക്കാൻ വി ആരാധകരോട് അഭ്യർഥിച്ചു.

“ക്യാമറയ്ക്ക് മുന്നിൽ നിൽക്കാൻ തുടങ്ങിയിട്ട് വളരെക്കാലമായി, എനിക്ക് ലജ്ജ തോന്നുന്നു. എനിക്ക് എന്ത് പറയണമെന്ന് അറിയില്ല. സീനിയർമാർ, ജൂനിയർമാർ... മറ്റാരെക്കാളും കൂടുതൽ കഠിനാധ്വാനം ചെയ്ത എക്സിക്യൂട്ടീവുകൾ, ഞങ്ങൾക്ക് വേണ്ടി കഠിനാധ്വാനം ചെയ്തതിന് നന്ദി. ഞങ്ങളെ ഇത്രയും നന്നായി പരിപാലിച്ചതിന് ഞാൻ അവരോട് വളരെ നന്ദിയുള്ളവനാണ്''- ജങ്കൂക്ക് പറഞ്ഞു.

ഈ മാസാവസാനത്തോടെ ഏഴ് അംഗങ്ങളും അവരുടെ സൈനിക സേവനം പൂർത്തിയാക്കും.ബി.ടി.എസി​ന്റെ ഏജൻസിയായ ‘ഹൈബി’ പുനഃസമാഗമത്തെക്കുറിച്ച് സൂചന നൽകിയിരുന്നു. 2022ൽ ആഗോള പ്രശസ്തിയുടെ കൊടുമുടിയിലാണ് സംഘം ഇടവേള എടുത്ത് പിരിഞ്ഞത്.

ദക്ഷിണ കൊറിയയിൽ 18നും 28നും ഇടയിൽ പ്രായമുള്ള ആരോഗ്യമുള്ള എല്ലാ പുരുഷന്മാരും രണ്ട് വർഷം സൈന്യത്തിൽ സേവനമനുഷ്ഠിക്കണമെന്ന് നിയമം അനുശാസിക്കുന്നു. ഉത്തര കൊറിയക്കെതിരെ പോരാടുന്നതിനുള്ള തയ്യാറെടുപ്പെന്ന നിലയിലാണിത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്