ഇംഗ്ലണ്ട് വനിതാ ടീമിനെതിരായ അഞ്ച് മത്സര ടി20ഐ പരമ്പരയിൽ രണ്ടാം മത്സരവും ഇന്ത്യ ജയിച്ചു. ബ്രിസ്റ്റോളിലെ കൗണ്ടി ഗ്രൗണ്ടിൽ നടന്ന രണ്ടാം ടി20യിൽ ഇംഗ്ലണ്ടിനെ 24 റൺസിന് പരാജയപ്പെടുത്തി ഇന്ത്യ 2-0ന്റെ ലീഡ്.

182 റൺസ് വിജയലക്ഷ്യം പിന്തുടർന്ന ഇംഗ്ലണ്ടിന് ദയനീയമായ തുടക്കമാണ് ലഭിച്ചത്. നായിക നാറ്റ് സിവർബ്രണ്ട് (13) ഉൾപ്പെടെ മൂന്ന് വിക്കറ്റുകൾ 4 ഓവറിനുള്ളിൽ നഷ്ടപ്പെട്ട് 17/3 എന്ന നിലയിലേക്ക് അവർ കൂപ്പുകുത്തി.

ടാമി ബ്യൂമോണ്ട് (35 പന്തിൽ 54), സോഫി എക്ലെസ്റ്റോൺ (23 പന്തിൽ 35) എന്നിവർ പൊരുതിയെങ്കിലും ഇന്ത്യയുടെ അച്ചടക്കമുള്ള ബൗളിംഗിന് മുന്നിൽ അത് മതിയായില്ല.
ശ്രീ ചരണി ഒരിക്കൽ കൂടി മികച്ച പ്രകടനം കാഴ്ചവെച്ച് 2 നിർണായക വിക്കറ്റുകൾ വീഴ്ത്തി.

ദീപ്തി ശർമ്മയും അമൻജോത് കൗറും ഓരോ വിക്കറ്റ് വീതം നേടി. കൂടാതെ, മൂന്ന് റൺ ഔട്ടുകളും ഉണ്ടായത് ഇന്ത്യയുടെ മികച്ച ഫീൽഡിംഗ് പ്രകടനം എടുത്തു കാണിക്കുന്നതായിരുന്നു.

നേരത്തെ, ജെമിമ റോഡ്രിഗസ് (41 പന്തിൽ 63), അമൻജോത് കൗർ (40 പന്തിൽ 63*) എന്നിവരുടെ തകർപ്പൻ അർദ്ധസെഞ്ച്വറികളുടെ മികവിൽ ഇന്ത്യ 4 വിക്കറ്റ് നഷ്ടത്തിൽ 181 റൺസ് നേടിയിരുന്നു.

തുടക്കത്തിൽ വിക്കറ്റുകൾ നഷ്ടമായെങ്കിലും ഈ ജോഡി 93 റൺസിന്റെ നിർണായക കൂട്ടുകെട്ട് സ്ഥാപിച്ച് ടീമിന് മികച്ച അടിത്തറ നൽകിയിരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്