കെർവിൽ(ടെക്‌സസ്): ടെക്‌സസിലെ വെള്ളപ്പൊക്കത്തിലും കൊടുങ്കാറ്റിലും മരിച്ച 37 പേരിൽ 14 കുട്ടികളും ഉൾപ്പെടുന്നു കാണാതായവർക്കായുള്ള തിരച്ചിൽ തുടരുന്നു. ശനിയാഴ്ച രക്ഷാപ്രവർത്തകർ തകർന്ന മരങ്ങൾ, മറിഞ്ഞ കാറുകൾ, ചെളി നിറഞ്ഞ അവശിഷ്ടങ്ങൾ എന്നിവയാൽ നിറഞ്ഞ നദീതീരങ്ങൾ അരിച്ചുപെറുക്കി.

ചരിത്രപരമായ ഒരു വെള്ളപ്പൊക്കത്തിൽ അവരുടെ ക്യാമ്പ് വെള്ളത്തിൽ മുങ്ങിയതിനശേഷം കാണാതയിരുന്ന രണ്ട് ഡസനിലധികം പെൺകുട്ടികൾ ഉൾപ്പെടെ കാണാതായവരെ കണ്ടെത്താനുള്ള കൂടുതൽ ഇരുണ്ട ദൗത്യമാണിത്.

വെള്ളപ്പൊക്കത്തിന് ഏകദേശം 36 മണിക്കൂർ കഴിഞ്ഞിട്ടും, മരിച്ചവരിൽ ഭൂരിഭാഗവും കണ്ടെടുത്ത കെർ കൗണ്ടിയിലെ ഒരു നദിക്കരയിലുള്ള ഒരു ക്രിസ്ത്യൻ വേനൽക്കാല ക്യാമ്പായ ക്യാമ്പ് മിസ്റ്റിക് എന്ന സ്ഥലത്തെ 27 കുട്ടികളൊഴികെ എത്ര പേരെ കാണാതായെന്ന് അധികൃതർ ഇതുവരെ പറഞ്ഞിട്ടില്ല.

വെള്ളിയാഴ്ച പുലർച്ചെ വെറും 45 മിനിറ്റിനുള്ളിൽ ഗ്വാഡലൂപ്പ് നദിയിൽ 26 അടി (8 മീറ്റർ) വേഗത്തിൽ ഒഴുകുന്ന വെള്ളം ഉയർന്നു, വീടുകളും വാഹനങ്ങളും ഒഴുകിപ്പോയി. ശനിയാഴ്ച സാൻ അന്റോണിയോയ്ക്ക് പുറത്തുള്ള സമൂഹങ്ങളിൽ പേമാരി തുടരുകയും പെട്ടെന്നുള്ള വെള്ളപ്പൊക്ക മുന്നറിയിപ്പുകളും നിരീക്ഷണങ്ങളും പ്രാബല്യത്തിൽ വരികയും ചെയ്തതിനാൽ അപകടം അവസാനിച്ചില്ല.

അപകടത്തിൽപ്പെട്ടവരെ കണ്ടെത്തുന്നതിനും മരങ്ങളിൽ കുടുങ്ങിക്കിടക്കുന്നവരെയും, ഒലിച്ചപോയ റോഡുകളിൽ ഒറ്റപ്പെട്ടപോയ ക്യാമ്പുകളിൽ നിന്നും ആളുകളെ രക്ഷപ്പെടുത്തുന്നതിനും തിരച്ചിൽ സംഘം ഹെലികോപ്റ്ററുകൾ, ബോട്ടുകൾ, ഡ്രോണുകൾ എന്നിവ ഉപയോഗിച്ചു.

അധികൃതർ അക്ഷീണം പ്രവർത്തിക്കുമെന്നും ഇരകളെ രക്ഷപ്പെടുത്തുന്നതിനും വീണ്ടെടുക്കുന്നതിനും 24 മണിക്കൂറും രക്ഷാപ്രവർത്തനം തുടരുമെന്ന് ഗവർണർ ഗ്രെഗ് അബോട്ട് പറഞ്ഞു. വെള്ളം ഇറങ്ങുതിനനുസരിച്ച് പുതിയ പ്രദേശങ്ങളിൽ തിരച്ചിൽ നടത്തുന്നുണ്ടെന്നും അദ്ദേഹം കൂട്ടിച്ചേർത്തു.

'ഞങ്ങൾ ഓരോരുത്തരെയും കണ്ടെത്തും,' അദ്ദേഹം പറഞ്ഞു. ഓസ്റ്റിനിന് ചുറ്റും കൂടുതൽ മഴ പെയ്തു, അടുത്തുള്ള ഹിൽ കൺട്രിയിൽ വ്യാപകമായ തിരച്ചിൽ തുടർന്നു. സംസ്ഥാന തലസ്ഥാനമായ ട്രാവിസ് കൗണ്ടിയിൽ കുറഞ്ഞത് മൂന്ന് പേർ മരിക്കുകയും 10 പേരെ കാണാതാവുകയും ചെയ്തു.
ബർനെറ്റ് കൗണ്ടിയിൽ രണ്ട് പേർ മരിച്ചു, രക്ഷാപ്രവർത്തനത്തിനിടെ വെള്ളപ്പൊക്കത്തിൽ ഒരു അഗ്‌നിശമന സേനാംഗം ഒഴുകിപ്പോയി കാണാതായവരിൽ ഉൾപ്പെടുന്നുവെന്ന് കൗണ്ടി എമർജൻസി മാനേജ്‌മെന്റ് കോർഡിനേറ്റർ ഡെറക് മാർഷിയോ പറഞ്ഞു.

തകർന്ന ഹിൽ കൺട്രിയിൽ ഇതുവരെ 32 മൃതദേഹങ്ങൾ കണ്ടെടുത്തതായി കെർ കൗണ്ടി ഷെരീഫ് ലാറി ലീത പറഞ്ഞു: 18 മുതിർന്നവരും 14 കുട്ടികളും. ഇതിൽ ഉൾപ്പെടുന്നു.

പി പി ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്